Туркия президенти Ражаб Тоййиб Эрдўғон Истанбулга етиб борди.
Отатурк аэропортида гапирган Эрдўғон "миллатдан юқори турган ҳеч қандай куч йўқ" деди.
Отатурк аэропортига жам бўлган кўплаб одамлар ўнгида гапирган Туркия президенти ҳарбий тўнтариш уриниши бўлганини маълум қилди.
"Тўнтаришга уринганлар қим бўлишларидан қатъи назар керакли жазони олишади," деди у.
"Баъзилари нима бўлишини жуда яхши тушунишди, жуда яхши билишарди. Шу учун ҳам бундай қадамни ташладилар. Нима қилса қилсинлар,Туркия эски Туркия эмас, янги Туркиянинг ҳаракат тарзи жуда ҳам фарқлидир," деди Ражаб Тоййиб Эрдўғон.
Президент Эрдўғон: "Сиз бизнинг Меҳметчигимизсиз, Меҳметчигимиз ўлароқ, Меҳметлеримиз ўлароқ шу онда қаршингизда турган халққа, сизнинг оналарингизга, оталарингизга, қардошларингизга қарши силоҳ ўқталганингизни қабул этишимиз асло имконсиз. Бу силоҳлар сизга бу миллат томонидан берилди, бу силоҳларни агар сиз бу силоҳни берган миллатингизга қарши қаратсангиз, бутун бадалини оғир тўлайсиз".
Турк халқи ўз ҳарбийларини ардоқлаб "Меҳметчик" деб атайди - Озодлик изоҳи
Бош вазир Йилдирим: "Ватандошларимиздан майдонни асло тарк этмасликларини, вазият тўлалигича назоратга олингунга қадар турган жойларида қолишларини истайман"