Сўнгги маълумотларга қараганда ўлганлар сони 90 кишига етган. Бу ҳақда Дейли Сабаҳ нашри ўз Твиттер саҳифасида хабар қилди.
Туркия президенти Ражаб Тоййиб Эрдўғон, бундан бир неча соат олдин мамлакат жанубидан пойтахт Анқарадаги қароргоҳига қайтиб келди ва ҳарбий исён бостирилгани, уни амалга оширганлар “қаттиқ жазоланажаги”тўғрисида баёнот берди.
Туркия бош вазири Бинали Йилдиримга кўра, “исённи уюштирган генерал” ўлдирилган, 800 га яқин киши ҳибсга олинган. Бу ҳақда давлат ахборот агентлиги хабар қилди.
Истанбул ва пойтахт Анқарада куннинг биринчи ярмида ҳам ҳарбий машиналар ҳаракатланаётгани кузатилди. Кўча-кўйдаги вазиятни полиция патруллари назорат қилиб турибди. Давлат телевидениеси фаолияти тикланди.