Моб:+79258363937 (шошилинч хабарлар)
Емайл: bobomatovu@rferl.org
17 октябр куни марказий телеканаллар намойиш этган суҳбатда Путин халққа ўз қарорини изоҳлаб берди.
Москвада очилган “Анжир” санъат галереясида ўтказилаётган маданий тадбирлар москваликларнинг мусулмон Шарқига оид қизиқишини қондиришга қаратилган.
Интерпол ҳибсга олган 32 ёшли Фаррух Ботиров Тошкентда портлашлар уюштиришга уринганликда айбланиб, халқаро қидирувга берилгани айтилмоқда.
Новосибирскда “Нурчилар” ташкилотига алоқадорликда айбланиб икки нафар ўзбекистонлик ҳибсга олинди. Улардан бири – Сибир истеъмолчилик кооперацияси университети доценти, айни пайтда Россиянинг Осиё қисми мусулмонлар диний бошқармаси раҳбари муовини, “Мадрасат-ул-Зеҳра” маданий-маърифий жамғармаси президенти Илҳом Меражовдир.
Москва жануби-шарқидаги Марьино туманида меҳнат муҳожирлари ўртасида чиққан оммавий муштлашув оқибатида 4 киши шифохонага олиб кетилди. Москва Ички ишлар бошқармасидан олинган маълумотга кўра, жароҳат олганлардан бирининг юзига травматик пистолетдан ўқ узилган.
Қозонда ўтказилган VII Халқаро мусулмон кинофестивалида Гран-При германиялик асли турк актриса Сибел Кекиллига берилгани катта жанжалга сабаб бўлди. Тадбир тугаб, совриндорлар аниқлангач, турк актрисасининг ўтмишда порно-фильмларда иштирок этгани маълум бўлди.
Россиянинг Газпром ширкати Марказий Осиё, хусусан ўзбек газини сотиб олишга 8,3 миллиард доллар сарфлашини эълон қилди. Бу сотиб олинадиган газ ҳажми кескин камайтирилади деганидир.
Россиянинг Нижневартовск шаҳрида ўз ўғлини бўғиб ўлдирганликда айбланаётган ўзбекистонлик қўлга олинди.
2011 йил бошидан буён ирқий ва миллий адоват асосида содир этилган зўравонликлар оқибатида 16 киши ўлдирилди ва 90 киши жароҳатланди. СОВА ҳуқуқни ҳимоя қилиш маркази ҳисоботида тақирбош ва миллатчи тўдалар ҳужумига асосан Марказий Осиё, ҳусусан Ўзбекистон фуқаролари учрагани айтилади. Ташкилот мутахассислари миллатчилар Россияда ҳокимиятга интилаётганидан огоҳлантирмоқда.
Русский оролида АТЭС саммити иншоотлари қурилишида меҳнат қилаётган ўзбекистонликлар бригадаси иш ташлади. Владивостокнинг VL.ru сайти хабарига кўра, иш ташлашда асосан Ўзбекистон фуқаролари иштирок этмоқда.
Ўтган жума куни, кечки пайт Санкт-Петербург 26-шаҳар шифохонасига бошидан жароҳат олган икки нафар Ўзбекистон фуқароси олиб келинди. Ҳодисани текшираётган терговчилар ўзбекистонликлар ўз иш ҳақларини талаб қилганликлари учун маҳаллий тадбиркор томонидан ўққа тутилганини аниқлади.
ЕТ IN ARCADIA EGO / non EGO…(Мен Аркадияда бўлдим/бўлмадим...) Москвада бошланган IV Замонавий санъат биенналеси доирасида ўзбекистонлик ижодкорлар гуруҳи яратган санъат асарлари кўргазмаси очилди. Махсус лойиҳада утопик ҳаёлларга ишонч ва шахснинг ижтимоий маъсулияти тўғрисидаги ғоялар битилган экспонатлар намойиш этилмоқда.
Исми ошкор этилмаётган ўзбекистонлик аёл унга дўқ-пўписа қилаётган ҳамюрти устидан шикоят қилиб, полицияга мурожаат қилган, бироқ у ерда ариза ёзишдан бош тортган. У билан 3 соат давомида суҳбатлашган полициячилар бу аёл ўз юртдоши томонидан зўрлангани маълум бўлган.
Бурятиядаги қўлқоп ишлаб чиқарадиган корхонада чиққан ёнғин оқибатида 4 нафар ишчи халок бўлди, икки нафари бедарак йўқолди. Нобуд бўлган меҳнат муҳожирларидан бири Ўзбекистон фуқароси экани аниқланди. Яна икки нафар ўзбекистонлик бедарак йўқолган.
Москвада бўлиб ўтган XII Халқаро Қуръон ҳофизлари танловида фаластинлик Саид Довуд ғолиб деб топилди.
ЎХҲ фаолининг ўлдирилишига унинг сиёсий ёки тадбиркорлик фаолияти сабаб бўлган бўлиши мумкин.
Ўзбекистон Халқ Ҳаракатининг Россиядаги етакчиси, ўтган шанба куни Ивановодаги уйи олдида отиб кетилган Фуад Рустамхўжаев 26 сентябр куни Иваново шаҳри Богородское мусулмонлар қабристонига дафн этилди. Марҳумнинг укаси Баҳодир Рустамхўжаев Озодлик билан суҳбатида акасини хотирлади.
24 сентябр куни Россиянинг Иваново шаҳрида ЎХҲ фаоли Фуад Рустамхўжаев отиб кетилди.
Чечен президентининг ваъда қилишича¸ яқин келажакда бу косани истаган одам бориб кўриши мумкин.
Россия сенаторлари меҳнат муҳожирларининг ўз оиласини мамлакатга олиб келишини тақиқловчи қонун лойиҳаси ишлаб чиқиш ниятида.
Давомини ўқинг
