Моб:+79258363937 (шошилинч хабарлар)
Емайл: bobomatovu@rferl.org
Москванинг жануби-шарқида жойлашган “Текстилшчики” туманида масжид қуриш режаларига маҳаллий аҳоли қаршилик кўрсатмоқда. Пойтахтнинг Жануби-Шарқий префектураси томонидан масжид қурилишига ер ажратилиши Россия оммавий ахборот воситаларида энг долзарб мавзулардан бирига айланди.
15 сентябр куни Москва шаҳар мэри Юрий Лужков Life News интернет сайти, “Твой день” газетаси ва “Эхо Москвы” радиосини ўзига қарши бўҳтон тарқатганликда айблаб, судга берди. Айрим кузатувчилар Юрий Лужковга қарши бошланган “информацион уруш” Кремлнинг махсус буюртмаси билан амалга оширилаётганини айтмоқда.
Ўзбекистонда чиқарилган Daewoo Nexia машинаси 2002 йилдан биринчи марта Россияда энг кўп сотилган автомобиллар орасида биринчи ўринни эгаллади. Ҳозирда Daewoo "Nexia" машинаси собиқ “УзДэуАвто” корхонаси ўрнида ташкил қилинган “GM Uzbekistan” қўшма корхонаси заводида чиқарилади.
Шимолий Осетия пойтахти Владикавказнинг марказий бозори олди рўй берган портлаш оқибатида ҳалок бўлганлар сони 19 кишига етди, 140-қа яқин одам жароҳатланди. 10 сентябр Шимолий Осетияда мотам куни деб эълон қилинди. Таҳлилчилар портлаш ортида ким турганига оид турли тахминларни илгари сурмоқда.
“Газпром” ортидан Марказий Осиё нефт-газ бозорида фаоллашиб бораётган Россиянинг “Лукойл” ширкати Ўзбекистондан газ транспорти ҳажмини оширишга киришди. Бунинг учун 2010 йилнинг ўзида “Лукойл” Ўзбекистондаги геологик қидирув ва углеводород манбаларини ўзлаштиришга 480 млн доллардан ортиқ маблағ сарфлашини билдирган.
3 сентябр куни Минск яқинидаги дала ҳовлисида Беларус мухолифат минбари саналмиш “Хартия-67” сайти асосчиси ва раҳбари Олег Бебенин жасади топилди.Унинг сафдошлари Бебенин ўз жонига қасд қилганига ишонмасликларини билдирмоқда.
3 сентябр куни Россияда Беслан қурбонлари хотирасига бағишланган мотам тадбирлари уюштирилди. "Террорчилиликка қарши курашда бирдамлик куни"да, Беслан фожиаси қурбонлари билан кейинги йилларда Россияда амалга оширилган террор ҳуружларида ҳалок бўлганлар хотирланди.
Ўзбекистонлик меҳнат муҳожирлари Россиядан пул жўнатиш бўйича собиқ иттифоқнинг бошқа мамлакатларидан келган мардикорлардан анча ўзиб кетгани боис пул жўнатиш тизимларини Ўзбекистонга алоҳида эътибор қаратмоқда.
Ўзбекистон Хитой билан газ экспорти борасида музокара олиб бормоқда. Буни мутахассислар Марказий Осиёда Хитой ва Россия ўртасида энергия заҳиралари учун рақобат кучайганидан дарак, дея баҳоламоқдалар.
Грузия Президенти Михаил Саакашвили “Эхо Москвы” радиоси эфирида Россия Бош вазири Владимир Путин 2012 йилги президентлик сайловига ўз номзодини қўйиш ва унда ғалаба қилиш мақсадида, сайловдан олдин “грузин масаласини ҳал этиш”га уриниб кўриши мумкинлигини башорат қилди.
Россия муфтийлар Кенгашининг қарорига кўра, жорий йилнинг 24 октябрида Москвада XI Халқаро Қуръон хофизлари танлови бўлиб ўтади. Ташкилотчилар 2 йилдан буён мусобақада иштирок этмаётган ўзбекистонлик Қуръон қироатчилари бу йил ҳам ташриф буюрмаслигидан афсусда эканини билдирмоқда.
Ўтган ҳафта Твер вилоятининг Калязин туманида ўзбек ва тожик мардикорлари билан маҳаллийлар ўртасида чиққан жанжал Россия матбуоти диққат марказида бўлди. Муҳожирлар маҳаллий аёллардан бирини зўрлагани ва унинг ҳимоясига чиққан калязинликлар “гастарбайтерларни” шаҳардан қувиб чиқаргани ҳақидаги хабарлар тасдиқланмади.
Москванинг Лужники стадионида машҳур “U2” рок гуруҳи концерт берди. Ўзининг жамоатчилик ва инсонпарварлик фаолияти билан танилган гуруҳ етакчиси Боно концерт пайтида инсон ҳуқуқлари, қашшоқ мамлакатлардаги муаммоларга тўхталди. Саҳнада Россияда диссидент қўшиқчи ҳисобланган Юрий Шевчук ҳам Бонога жўр бўлди.
Виктор Бутнинг Таиланддан АҚШга экстрадиция қилиниши қолдирилди. Таинланд суди ноқонуний қурол савдосида айбланаётган Бутни АҚШ ҳукуматига топшириш ҳақида ўтган ҳафта қарор чиқарган эди. "Уруш Худоси" фильмининг бош қаҳрамони прототипи бўлган Бутга янги айбловларнинг қўйилгани унинг Америкага жўнатилишини кечиктирди.
Қатағон йилларида ўзбек сиёсий тутқунлари Сибирга юбориларди. Мустақил Ўзбекистонда эса, диний айбловлар билан таъқиб қилинаётган ўзбеклар ўзини-ўзи Сибирга бадарға қилиб ҳам Ўзбекистон махфий хизматларидан қутула олмаяпти. Новосибирскда ҳибсга олинган Бобур Тўхтамуродов ана шундайларнинг навбатдагиси бўлди.
Москвада Химки ўрмони ҳимоясига бағишланган концерт норозилик намойишига айланиб кетди. Россиялик таниқли санъат ва жамоат арбоблари иштирокидаги сиёсий тус олаётган бу тадбир Ўзбекистонда жамият эътирозисиз бўлсада, икки юз йиллик чинорларнинг кесилгани эслашга яна бир баҳона бўлди.
Ереванда Россия ва Арманистон президентлари ҳарбий ҳамкорлик борасида шартнома имзоладилар. Янги шартномага биноан Москва 2035 йилга қадар Гюмридаги ҳарбий базада ўз қўшинларини сақлаб қолади.
20 август куни Арманистонда Коллектив хавфсизлик Шартномаси ташкилоти аъзо давлатлар раҳбарларининг учрашуви бошланди. Қирғизистондаги вазият муҳокама этилажак асосий масала бўлиши кутилаётган КХШТ саммити яна президент Ислом Каримовсиз ўтадиган бўлди.
Москва ва Минск ўртасида информацион уруш давом этмоқда. Россиянинг НТВ канали Беларус етакчиси Александр Лукашенк “Крестный батька” - “Чўқинтирган батька” хужжатли филмининг 3 қисмини намойиш этди. Бу филмлар туркумининг намойиш этилиши Россия-Белорус муносабатлари совуқлашган пайтга тўғри келди.
Чеченистон Президенти Рамзан Қодиров илгари сурган Президентлик лавозимдан воз кечиш ташаббуси Кремлга маъқул келган кўринади. Биргина Чеченистонда "президент"ни "бошлиқ"қа ўзгартириш 10 миллион рублга тушиши айтилаётган бўлсада, иқтидордаги “Единая Россия” бу ғояни қўш-қўллаб олқишламоқда.
Давомини ўқинг
