Моб:+79258363937 (шошилинч хабарлар)
Емайл: bobomatovu@rferl.org
Москванинг Крилатское туманидаги ўрта мактаблардан бирида "Жисмоний тарбия куни"да ўзбек кураши презентацияси бўлиб ўтди. Спорт тадбирига Ўзбеклар ва ўзбекистонликлар бутунроссия конгресси томонидан таклиф этилган полвонлар йиғилган ёш россиялик спортчилар олдида ўзбек яккакураши усулларидан намойиш этди.
Россия суди ўзбек муҳожирини икки жойидан пичоқлаб кетган миллатчи фуқаросига икки йиллик шартли жазо тайинлади. Бухоролик Раҳмиддин Камолов ва унинг ҳимоячиси Хорошевский туман судининг бу қарорини “миллатчилик ва ирқчилик кўринишидан бошқа нарса эмас"лигига жамоатчилик эътиборини қаратиб, ўз ҳақлари учун курашишни давом эттиришини айтмоқдалар.
Tulaga Toshkentdan kelgan poyezddan topilgan noyob va tarixiy-madaniy ahamiyatga ega buyumlar Rossiya foydasiga musodara qilindi. Pravoslavlar xochi, qadimiy diniy kitoblar hamda tangalarni Rossiyaga olib kirgani uchun o‘zbekistonlik javobgarlikka tortilgani xabar qilindi. Ayni paytda, Tula bojxonachilari bunday holatlar “tez-tez uchrab turishi” haqida gapirmoqda.
Moskva metrosida ayollarning tilla zanjirlarini o‘zib qochganlikda ayblanayotgan 25 yoshli o‘zbek muhojiri qo‘lgan olindi. Metropoliten politsiyasi toshkentlik Umarxo‘ja ismli bu yigitni shu kabi yana 8-ta jinoyatga aloqadorlikda gumon qilmoqda.
Тулага Тошкентдан келган поезддан топилган ноёб ва тарихий-маданий аҳамиятга эга буюмлар Россия фойдасига мусодара қилинди. Православлар хочи, қадимий диний китоблар ҳамда тангаларни Россияга олиб киргани учун ўзбекистонлик жавобгарликка тортилгани хабар қилинди. Айни пайтда, Тула божхоначилари бундай ҳолатлар “тез-тез учраб туриши” ҳақида гапирмоқда.
Россиянинг Краснодар шаҳридаги “Динамо” стадиони қурилиш майдончасида рўй берган ҳалокат оқибатида 13 киши ис газидан заҳарлангани ва бир киши нобуд бўлгани айтилмоқда. Ҳодиса юзасидан суриштирув ишларини бошлаб юборган Краснодар ўлкаси Тергов қўмитасида жабрланган ишчиларнинг барчаси Ўзбекистон фуқаролари эканини таъкидлашди.
Украина ҳарбий қўмондонлиги тан олинмаган ДНР ва ЛНР “Минск шартномаларини бекор қилиш” ва “Россиядан ёрдам сўраш” мақсадида фаол ҳарбий ҳаракатларни бошлаб юборганини иддао қилмоқда. Айни пайтда, Украина шарқидаги вазият 17 августга ўтар кечаси янада оғирлашгани айтилмоқда.
Moskvaning “Salyut” Madaniyat markazida 16 avgust kuni bir guruh xorazmlik estrada yulduzlari konsert berdi. Rossiyada mehnat qilayotgan o‘zbekistonlik muhojirlar uchun bepul kontserntni Moskvadagi O‘zbeklar milliy-madaniy avtonomiyasi uyushtirdi. konsert ishtirokchilari orasida Urganchda o‘ndan ziyod odamning o‘limiga sabab bo‘lgan artistlar ham bor edi.
Москванинг “Салют” Маданият марказида 16 август куни бир гуруҳ хоразмлик эстрада юлдузлари концерт берди. Россияда меҳнат қилаётган ўзбекистонлик муҳожирлар учун бепул концернтни Москвадаги Ўзбеклар миллий-маданий автономияси уюштирди. Концерт иштирокчилари орасида Урганчда ўндан зиёд одамнинг ўлимига сабаб бўлган артистлар ҳам бор эди.
Татаристондаги озиқ-овқат дўконларидан бирида топилган 3 дона музлатилган ғоз гўшти бульдозер билан эзиб ташлангани тасвирланган видео пайдо бўлди. Назорат идораси вакиллари томонидан олинган “оператив” видеодан маълум бўлишича, ғозлар Россия санкцияси рўйхатидаги Венгриядан келтирилгани боис бульдозер тагига тушган. Айни пайтда Россельхознадзор озиқ-овқат эмбаргоси эълон қилинганидан буён 500 тоннадан зиёд гўшт ва ўсимлик маҳсулотлари йўқ қилинганини хабар қилди.
Москванинг Долгопрудный шаҳарчасида ўзбекистонлик Фирдавс Ашуров электропоезд остига ўзини отган ҳамюртини қутқараман деб оғир жароҳатлар билан шифохонага ётқизилди. Умуртқасида иккита жарроҳлик амалиёти ўтказилган 24 ёшли Фирдавс даволанишни давом эттириши учун моддий ёрдамга муҳтож. Иқтисодий қийинчиликлар боис ўз жонига қасд қилгани айтилаётган ўзбек муҳожири ҳам шифохонада даволанмоқда.
Январдан муҳожирлар тўловларидан тушаётган тушумдан Москва ғазнаси даромади 4 баробарга кўпайган ва 4,7 миллиард рубль (~74 млн АҚШ долл.)ни ташкил этганига қарамай, Москва мэри Сергей Собянин ҳуқуқ-тартибот ва Федерал миграция идоралари ходимларини шаҳарда солиқ тўламайдан яшаётган мигрантлар устидан назоратни кучайтиришга чақирди.
Германиядан Москвага учиб борган ўзбекистонлик таниқли олим, Узоқ Шарқ федерал университети кафедра мудири, профессор Йўлбарсхон Мансуров миграция қонунчилигини бузди, деган важ билан икки кундан буён Шереметьево аэропорти изоляторида сақланмоқда. Профессор Мансуров айбловни инкор этиб, 4 йилдан буён Россияда қонунан яшаётганини айтмоқда.
Жорий йил 24 июлида Россия фуқароси, асли наманганлик 37 ёшли имом Темур Турсунов Ўзбекистонга меҳмонга борганида ҳибсга олинди. Ўзбекистон Ички ишлар вазирлиги ертўласида ушлаб турилгани айтилаётган имом ҳимоясига Россияда “Темур Турсуновни озод этиш қўмитаси” тузилди. Ҳуқуқ фаолларига кўра, имом Турсунов масаласида Россия Ташқи ишлар вазирлиги Ўзбекистонга нота жўнатган.
Россияда санкцияга тушган озиқ-овқатларни йўқ қилиш бошланди. “Ноқонуний” деб эълон қилинган 10 тонна пишлоқ Белгородда трактор остига ташланди, “маданий пойтахт” Петербургда эса яна 20 тонна пишлоқ ёқиб юборилди. Айни пайтда 300 минг фуқаро “озиқ-овқат эмбаргоси” айнан россияликларга қарши эканига эътибор қаратиб, уни бекор қилиш талаби билан ҳукуматга петиция имзолади.
Россиянинг Ростов-Дон шаҳар аэропортида олиб борилган рейд давомида 12 нафар Ўзбекистон фуқароси учоқдан тушиб қолдирилди ва турли важлар билан маъмурий жавобгарликка тортилди. Рейсдан қолган муҳожирлардан бирининг Озодликка тақдим этган фото ва видеотасвирлардан жаримага тортилган ва Россиядан 10 кун ичида чиқиб кетиши белгилаб берилган ўзбекистонликлар ночор аҳволда аэропортнинг ўзида қолаётганини кўриш мумкин.
6 августдан бошлаб президент Путин 22 июлда имзолаган фармонга биноан, жорий тақиққа хилоф равишда Россияга олиб кирилган озиқ-овқат маҳсулотларини йўқ қила бошлайдилар, лекин Россияга Ўзбекистондан келаётган йўловчилар қўл багажидаги озиқ-овқат маҳсулотлари йўқ қилинаётганига анча бўлди.
“Россия барча учун” интернет портали рус тилини ўрганувчи муҳожирлар учун махсус мобил дастурини ишлаб чиқди. Android 1.6 ва ундан юқори операцион тизимга мосланган дастурда рус тилини тез муддатда ўрганиш билан бирга Россия тарихи ва қонунчилиги бўйича ҳам маълумот олиш мумкин. Дастурни ҳозирча ўзбек ва тожик тилларида бепул ўрнатиш имкони берилди.
Россия Меҳнат вазирлиги осонлаштирилган тартибда мамлакат фуқаролигини олиш имкониятига эга бўлган касб эгалари рўйхатини эълон қилди. 7 августдан кучга кирадиган бу қоидага кўра, Россия хўжалиги ва ишлаб чиқариши учун зарур бўлган 74та мутахассислик эгаси махсус тартибда қизил паспортни қўлга киритиши мумкин.
Россиянинг Курск вилоятидан бўлган 19 яшар фермер Анастасия Долгополова маҳаллий амалдорларнинг ваъдабозлиги ва 60 гектар ерга эккан буғдой ҳосилини йиғиб олишга имкони йўқлиги туфайли уни ёқиб юборишини маълум қилди. Буни ёш агроном Россия президенти Владимир Путинга юборган махсус видеохабарда маълум қилди.
Давомини ўқинг
