тел: +420 2 2112 3387 mobile:+420 605 562 270 (шошилинч хабарлар) twitter: khurmatb skype: khurmatskype facebook:Khurmat Babadjanov
Ўзбекистонлик фойдаланувчилар мамлакатда Facebook ишламай қолгани ҳақда ёзишмоқда. Downdetector сервисига кўра, дунёнинг айрим бошқа давлатлари, жумладан Япония ва Австралияда ҳам тармоқ фаолиятида узилишлар бўлган. Фойдаланувчилар асосан сервер билан боғланишдаги муаммолар ҳақида маълум қилган. Узилишлардан бирининг эпимаркази Ўзбекистонга тўғри келди.
Тошкентдаги Жаҳон иқтисодиёти ва дипломатия университетининг ўқиш контракт пули икки баравар оширилишидан норози бўлган ўнлаб талабаси 5 сентябр куни олийгоҳ ректорати биноси олдида намойиш ўтказди. Улар ўқиш пулини тўлай олмай билим юртидан ҳайдалиш хавфи остида қолганликларини айтишмоқда. Ўтган ой Университет ўқиш пулини 12 миллион сўмдан бирданига қарийб 24 миллион сўмга кўтарганди.
Jizzax viloyati Zomin tumanining Dashtobod shaharchasida joylashgan 50-umumta’lim maktabining 29 yoshli kotibasi o‘z uyi molxonasida osilgan xolda topildi. Yaqinlari ayol o‘zini osganini Ozodlikka aytdi. Tuman Ichki ishlar bo‘limi mazkur xolat bo‘yicha surishtiruv olib borayotganini ma’lum qildi.
Жиззах вилояти Зомин туманининг Даштобод шаҳарчасида жойлашган 50-умумтаълим мактабининг 29 ёшли котибаси ўз уйи молхонасида осилган холда топилди. Яқинлари аёл ўзини осганини Озодликка айтди. Туман Ички ишлар бўлими мазкур холат бўйича суриштирув олиб бораётганини маълум қилди.
Samarqand viloyati Urgut tumani Savdo kompleksining ayrim tadbirkorlari O‘zbekiston Adliya vazirligining “Inson va qonun” gazetasi va “Huquq va burch” jurnaliga obuna bo‘lishga majburlanatganliklari haqida Ozodlikka shikoyat qildi. Obunadan bosh tortganlar "tekshiruvchilar bosishi" haqida ogohlantirilgan. Majburiy obuna iste’molchilar huquqlarini himoya qilish to‘g‘risidagi qonunga zid kelishiga qaramay mamlakatda an’ana tusini olgan bu amaldan Adliya boshqarmalari ham chetda qolmagan ko‘rinadi.
Самарқанд вилояти Ургут тумани Савдо комплексининг айрим тадбиркорлари Ўзбекистон Адлия вазирлигининг “Инсон ва қонун” газетаси ва “Ҳуқуқ ва бурч” журналига обуна бўлишга мажбурланатганликлари ҳақида Озодликка шикоят қилди. Обунадан бош тортганлар "текширувчилар босиши" ҳақида огоҳлантирилган. Мажбурий обуна истеъмолчилар ҳуқуқларини ҳимоя қилиш тўғрисидаги қонунга зид келишига қарамай мамлакатда анъана тусини олган бу амалдан Адлия бошқармалари ҳам четда қолмаган кўринади.
Farg‘ona viloyatining Beshariq tumanida aksari ayollar va yosh bolalar bo‘lgan qirqqa yaqin mardikor ishchini meva terimiga olib borayotgan avtobus halokatga uchrashi oqibatida kamida 7 kishi jarohatlandi.
Фарғона вилоятининг Бешариқ туманида аксари аёллар ва ёш болалар бўлган қирққа яқин мардикор ишчини мева теримига олиб бораётган автобус ҳалокатга учраши оқибатида камида 7 киши жароҳатланди.
O‘zbekistonlik oshiq sevgan qizining boshqaga unashtirilishi ortidan bo‘lajak kuyov va uning bo‘lg‘usi rafiqasini pichoqladi. Guvohlar yigit rashq ustida qotillikka qo‘l urganini aytishmoqda. Parkent tumani Ichki ishlar bo‘limi mulozimi Ozodlikka shunday hodisa bo‘lganini tasdiqladi va bu bo‘yicha O‘zbekiston Jinoyat kodeksining 97-moddasi, “Qasddan odam o‘ldirish” bandi bo‘yicha ish ochilib, tuman prokuraturasi tergov olib borayotganini ma’lum qildi.
Ўзбекистонлик ошиқ севган қизининг бошқага унаштирлиши ортидан бўлажак куёв ва унинг бўлғуси рафиқасини пичоқлади. Гувоҳлар йигит рашқ устида қотилликка қўл урганини айтишмоқда. Паркент тумани Ички ишлар бўлими мулозими Озодликка шундай ҳодиса бўлганини тасдиқлади ва бу бўйича Ўзбекистон Жиноят кодексининг 97-моддаси, “Қасддан одам ўлдириш” банди бўйича иш очилиб, туман прокуратураси тергов олиб бораётганини маълум қилди.
O‘tgan asrning to‘qsoninchi yillarida “Qurbon bo‘laman” qo‘shig‘i bilan tanilgan, hozirda Turkiya vatandoshi sifatida Istanbulda yashayotgan o‘zbekistonlik xonanda Abdulaziz Karim O‘zbekistonda o‘ziga nisbatan jinoyat ishi va qidiruv bekor qilinganini aytdi. Xonandaning 24 avgust kuni Facebook sahifasiga joylagan videomurojaatida ta’kidlashicha, prezident Shavkat Mirziyoevning tashabbusi bilan reabilitatsiya bo‘lgani haqda uning uyiga Toshkent militsiyasidan qo‘ng‘iroq qilib aytishgan.
Ўтган асрнинг тўқсонинчи йилларида “Қурбон бўламан” қўшиғи билан танилган, ҳозирда Туркия ватандоши сифатида Истанбулда яшаётган ўзбекистонлик хонанда Абдулазиз Карим Ўзбекистонда ўзига нисбатан жиноят иши ва қидирув бекор қилинганини айтди. Хонанданинг 24 август куни Facebook саҳифасига жойлаган видеомурожаатида таъкидлашича, президент Шавкат Мирзиёевнинг ташаббуси билан реабилитация бўлгани ҳақда унинг уйига Тошкент милициясидан қўнғироқ қилиб айтишган.
Toshkent viloyatining Yangiyo‘l tumanida er o‘z xotinini pichoqlab o‘ldirdi. Hodisa Yangiyo‘lning Sherdor to‘yxonasiga yaqin mahalladagi xonadonlardan birida, 21 avgust kuni sodir bo‘ldi. Voqea guvohlarining Ozodlikka aytishicha, 35 yoshli fermer jahl ustida xotinini bo‘g‘izlagan, bir nechta pichoq zarbidan ayol shu yerni o‘zida jon bergan.
Тошкент вилоятининг Янгийўл туманида эр ўз хотинини пичоқлаб ўлдирди. Ҳодиса Янгийўлнинг Шердор тўйхонасига яқин маҳалладаги хонадонлардан бирида, 21 август куни содир бўлди. Воқеа гувоҳларининг Озодликка айтишича, 35 ёшли фермер жаҳл устида хотинини бўғизлаган, бир нечта пичоқ зарбидан аёл шу ерни ўзида жон берган.
Jizzaxlik Mahtuma Jo‘raeva uch yil avval “Aramais Avakyan ishi” nomi bilan jamoatchilik e’tiboriga tushgan ish bo‘yicha ayblanib qamalgan, hozirda “Jasliq” qamoqxonasida jazo muddatini o‘tayotgan o‘g‘li Furqat Jo‘raevni qamoqda qiynoqqa solishganini aytdi. Jo‘raeva iddaosicha, o‘g‘lining qiynoqqa solinishiga “Jasliq”dagi haqsizliklar haqida prezident Shavkat Mirziyoev va xalqaro tashkilotlarga tinimsiz arz qilishi sabab bo‘lgan.
Жиззахлик Маҳтума Жўраева уч йил аввал “Арамаис Авакян иши” номи билан жамоатчилик эътиборига тушган иш бўйича айбланиб қамалган, ҳозирда “Жаслиқ” қамоқхонасида жазо муддатини ўтаётган ўғли Фурқат Жўраевни қамоқда қийноққа солишганини айтди. Жўраева иддаосича, ўғлининг қийноққа солинишига “Жаслиқ”даги ҳақсизликлар ҳақида президент Шавкат Мирзиёев ва халқаро ташкилотларга тинимсиз арз қилиши сабаб бўлган.
Давомини ўқинг
