тел: +420 2 2112 3387 mobile:+420 605 562 270 (шошилинч хабарлар) twitter: khurmatb skype: khurmatskype facebook:Khurmat Babadjanov
Qashqadaryo viloyatida 16 iyun kuni terrorizmda ayblanib hibsga olingan va olti kun o‘tib ozodlikka chiqqan AQSh fuqarosi Zokir Aliev Ozodlik bilan suhbatda xalqaro terrorchi guruhlar safida bo‘lmagani, Afg‘onistonga ham bormaganini aytdi. Alievga ko‘ra, 22 iyun kuni hech qaerga chiqamaslik sharti bilan qo‘yib yuborilgan va uning ustidan tergov hali tugamagan.
Қашқардарё вилоятида 16 июн куни терроризмда айбланиб ҳибсга олинган ва олти кун ўтиб озодликка чиққан АҚШ фуқароси Зокир Алиев Озодлик билан суҳбатда халқаро террорчи гуруҳлар сафида бўлмагани, Афғонистонга ҳам бормаганини айтди. Алиевга кўра, 22 июн куни ҳеч қаерга чиқамаслик шарти билан қўйиб юборилган ва унинг устидан тергов ҳали тугамаган.
Andijon transport va xizmat ko‘rsatish kasb-hunar kollejining 2-bosqich 311-guruh o‘quvchisi I.K uyi oldida janjal oqibatida qo‘shnisi O.Q.ni pichoqladi. Voqea guvohlarining Ozodlikka aytishicha, hodisa 20 iyun kuni kechki soat 7larda Andijon shahrining Toshkent ko‘chasida sodir bo‘lgan. Jabrlanuvchi Andijon Tibbiyot birlashmasi reanimatsiya bo‘limiga o‘ta og‘ir ahvolda yotqizildi. Uni pichoqlagani gumonlanayotgan kollej o‘quvchisi hibsga olindi.
Андижон транспорт ва хизмат кўрсатиш касб-ҳунар коллежининг 2-босқич 311-гуруҳ ўқувчиси И.К уйи олдида жанжал оқибатида қўшниси О.Қ.ни пичоқлади. Воқеа гувоҳларининг Озодликка айтишича, ҳодиса 20 июн куни кечки соат 7ларда Андижон шаҳрининг Тошкент кўчасида содир бўлган. Жабрланувчи Андижон Тиббиёт бирлашмаси реанимация бўлимига ўта оғир аҳволда ётқизилди. Уни пичоқлагани гумонланаётган коллеж ўқувчиси ҳибсга олинди.
O‘zbekiston Bosh prokuraturasi 20 iyun kuni ijtimoiy tarmoqlarda tarqalgan Urganch tuman prokurorining 10 xil dori mahsulotlarini sotuvga chiqarmaslik to‘g‘risida “Xorazm dori-darmon” shirkati hamda Urganch tumani tibbiyot birlashmasiga yo‘llangan xati yuzasidan izoh berdi. Bosh prokuratura 21 iyun kuni Ozodlikka yo‘llagan bildiruvida Urganch tuman prokurori D.Madirimov xatining mazmuni yanglish ifodalanganligi sababli, u hozirda yuridik kuchga ega emasligi, xatda qayd etilgan dori vositalarini sotuvdan olib tashlash bo‘yicha hech qanday chora-tadbirlar amalga oshirilmaganini ma’lum qildi.
Termiz shahar militsiyasi 4 yoshli qizchani jinsiy zo‘rlaganlikda gumonlanayotgan 30 yosh atrofidagi erkakni qidirmoqda. Surxondaryo huquq-tartibot idoralaridagi Ozodlik manbasiga ko‘ra, qidiruv amaliyoti Termizning Bog‘zor mahallasida yashovchi 4 yoshli qizcha (qizchaning ismi-sharifi Ozodlikka ma’lum¸ axloq qoidalari nuqtai nazaridan oshkor qilinmayotir – tahr.) zo‘rlangani haqida uning ota-onasi militsiyaga shikoyat qilishi ortidan boshlangan.
Термиз шаҳар милицияси 4 ёшли қизчани жинсий зўрлаганликда гумонланаётган 30 ёш атрофидаги эркакни қидирмоқда. Сурхондарё ҳуқуқ-тартибот идораларидаги Озодлик манбасига кўра, қидирув амалиёти Термизнинг Боғзор маҳалласида яшовчи 4 ёшли қизча (қизчанинг исми-шарифи Озодликка маълум¸ ахлоқ қоидалари нуқтаи назаридан ошкор қилинмаëтир – таҳр.) зўрлангани ҳақида унинг ота-онаси милицияга шикоят қилиши ортидан бошланган.
Ўзбекистон Бош прокуратураси 20 июн куни ижтимоий тармоқларда тарқалган Урганч туман прокурорининг 10 хил дори маҳсулотларини сотувга чиқармаслик тўғрисида “Хоразм дори-дармон” ширкати ҳамда Урганч тумани тиббиёт бирлашмасига йўлланган хати юзасидан изоҳ берди. Бош прокуратура 21 июн куни Озодликка йўллаган билдирувида Урганч туман прокурори Д.Мадиримов хатининг мазмуни янглиш ифодаланганлиги сабабли, у ҳозирда юридик кучга эга эмаслиги, хатда қайд этилган дори воситаларини сотувдан олиб ташлаш бўйича ҳеч қандай чора-тадбирлар амалга оширилмаганини маълум қилди.
Xorazm viloyatining Urganch shahrida joylashgan “Urganch markaziy dehqon bozori”da yong‘in sodir bo‘ldi. Xorazm Ichki ishlar boshqarmasi Yong‘in xavfsizligi bo‘limi mulozimining Ozodlikka aytishicha, 19 iyun tunda ro‘y bergan yong‘in oqibatida bozorning birinchi yopiq savdo pavilonining 260 kv.m. maydoni yonib, kul bo‘lgan. Jabrlanganlar yo‘q. Yong‘in sabablari o‘rganilmoqda.
Хоразм вилоятининг Урганч шаҳрида жойлашган “Урганч марказий деҳқон бозори”да ёнғин содир бўлди. Хоразм Ички ишлар бошқармаси Ёнғин хавфсизлиги бўлими мулозимининг Озодликка айтишича, 19 июн тунда рўй берган ёнғин оқибатида бозорнинг биринчи ёпиқ савдо павилонининг 260 кв.м. майдони ёниб, кул бўлган. Жабрланганлар йўқ. Ёнғин сабаблари ўрганилмоқда.
O‘zbekiston fuqarosi bo‘lgan 38 yoshli ayol Hindiston poytaxti Dehli shahridan ellik kilometr janub-g‘arbdagi Bhondsi qamoqxonasida jumaga o‘tar kechasi jon taslim qilgan. "Hindistan times" nashriga ko‘ra, ismi Shahnoz ekani ayotilayotgan toshkentlik ayol shu yilning 10 iyun kuni Gurugram shahridagi "Saxara" savdo markazida mamlakatda noqonuniy yashaganlikda gumonlanib hisbga olingan va besh kun o‘tib tergov izolyatorida o‘lik xolda topilgan. Ayolning o‘limi sabablari ma’lum emas.
Ўзбекистон фуқароси бўлган 38 ёшли аёл Ҳиндистон пойтахти Деҳли шаҳридан эллик километр жануб-ғарбдаги Бҳондси қамоқхонасида жумага ўтар кечаси жон таслим қилган. "Hindistan times" нашрига кўра, исми Шаҳноз экани аётилаётган тошкентлик аёл шу йилнинг 10 июнь куни Гуруграм шаҳридаги "Сахара" савдо марказида мамлакатда ноқонуний яшаганликда гумонланиб ҳисбга олинган ва беш кун ўтиб тергов изоляторида ўлик холда топилган. Аёлнинг ўлими сабаблари маълум эмас.
O‘zbekistonning aksar masjidlarida 15 iyun kuni o‘qilgan Ramazon hayiti namoziga bolalarning kirishi avvalgi yillarga nisbatan erkinroq bo‘lgani kuzatildi. Lekin, Namangan viloyatining ayrim masjidlarida avvalgidek bolalar namozga qo‘yilmaganidan shikoyatlar bo‘ldi.
Ўзбекистоннинг аксар масжидларида 15 июнь куни ўқилган Рамазон ҳайити намозига болаларнинг кириши аввалги йилларга нисбатан эркинроқ бўлгани кузатилди. Лекин, Наманган вилоятининг айрим масжидларида аввалгидек болалар намозга қўйилмаганидан шикоятлар бўлди.
Ўзбекистон Ички ишлар вазирлиги ўзбекистонлик ишбилармон, айни пайтда Халқаро бокс федерацияси - AIBA президенти вазифасини бажараётган Ғофур Раҳимов ва унинг турмуш ўртоғи Лола Раҳимоваларни қидирувга берди. АҚШ Молия вазирлиги "Қора рўйхат"ига киритилган Раҳимовга Ўзбекистонда 2013 йилда ҳам қидирув эълон қилинган, лекин икки йил аввал унинг исми қидирилаётганлар рўйхатидан ғойиб бўлган эди.
Toshkent shahar davlat soliq boshqarmasiga uch yil rahbarlik qilgan Muzaffar Pardaev hibsga olingan. O‘zbekiston Davlat soliq qo‘mitasiga yaqin Ozodlik manbalariga ko‘ra, “yirik kamomad”da gumonlanayotgan Pardaev o‘n kundan buyon Davlat xavfsizlik xizmatining tergov izolyatorida so‘roq qilinmoqda.
Тошкент шаҳар давлат солиқ бошқармасига уч йил раҳбарлик қилган Музаффар Пардаев ҳибсга олинган. Ўзбекистон Давлат солиқ қўмитасига яқин Озодлик манбаларига кўра, “йирик камомад”да гумонланаётган Пардаев ўн кундан буён Давлат хавфсизлик хизматининг тергов изоляторида сўроқ қилинмоқда.
O‘zbekistondagi avtomobil salonlarida “Damas” mashinasi haridorlari bilan shartnoma imzolanishdan oldin ulardan mashinaning ayrim extiyot qismlari, jumladan "magnitafon, g‘ildirak qalpoqlari, oyoq qo‘ygichlari bo‘lmasligi mumkin, shunga roziman", degan mazmunda tilxat olinayotganini GM Uzbekistan tasdiqlamadi. Shirkat matbuot xizmatining Ozodlik so‘roviga yozma javobida ijtimoiy tarmoqlarda tarqalgan xabaralar haqiqatga zid ekanligi aytilgan.
Давомини ўқинг
