тел: +420 2 2112 3387 mobile:+420 605 562 270 (шошилинч хабарлар) twitter: khurmatb skype: khurmatskype facebook:Khurmat Babadjanov
O‘zbekiston prezidenti Shavkat Mirziyoev o‘zbek elchilari bilan 12 yanvar kuni bo‘lgan uchrashuvda xorijdagi diplomatik vakolatxonalarning asosiy vazifasi bundan buyon eksport, investitsiya va turizm ekanini ta’kidladi. Prezident o‘z chiqishida elchixonalar ishiga aralashadigan "ayrim idoralar" vakillarini qaytarib olishini ham aytdi. Prezidentning ushbu chiqishi ortidan O‘zbekiston Tashqi ishlar vazirligida qanday o‘zgarishlarni kutish mumkin? Ozodlik bu haqda AQShda yashayotgan sobiq o‘zbek diplomati Toshpo‘lat Yo‘ldoshev bilan suhbatlashdi.
Ўзбекистон президенти Шавкат Мирзиёев ўзбек элчилари билан 12 январ куни бўлган учрашувда хориждаги дипломатик ваколатхоналарнинг асосий вазифаси бундан буён экспорт, инвестиция ва туризм эканини таъкидлади. Президент ўз чиқишида элчихоналар ишига аралашадиган "айрим идоралар" вакилларини қайтариб олишини ҳам айтди. Президентнинг ушбу чиқиши ортидан Ўзбекистон Ташқи ишлар вазирлигида қандай ўзгаришларни кутиш мумкин? Озодлик бу ҳақда АҚШда яшаётган собиқ ўзбек дипломати Тошпўлат Йўлдошев билан суҳбатлашди.
Xorazmning Xiva shahridagi masjidlarda ovoz kuchaytirgichlar orqali azon aytish yana taqiqlab qo‘yildi. Bu haqda Ozodlikka xabar qilgan bir necha xivalikka ko‘ra, shaharning qadimiy Ichon qal’asi atrofidagi masjid imomlaridan shahar hokimligi mulozimlari ovoz kuchaytirgichda azon aytilmasligi haqida tilxat yozdirib olgan. Ma’lum bo‘lishicha, taqiq joriy etilganiga qariyb 20 kun bo‘ldi. Xiva hokimligi mulozimlari nima uchun masjidlarda ovoz kuchaytirgichlar taqiqlanganini izohlamadi.
Хоразмнинг Хива шаҳридаги масжидларда овоз кучайтиргичлар орқали азон айтиш яна тақиқлаб қўйилди. Бу ҳақда Озодликка хабар қилган бир неча хиваликка кўра, шаҳарнинг қадимий Ичон қалъаси атрофидаги масжид имомларидан шаҳар ҳокимлиги мулозимлари овоз кучайтиргичда азон айтилмаслиги ҳақида тилхат ёздириб олган. Маълум бўлишича, тақиқ жорий этилганига қарийб 20 кун бўлди. Хива ҳокимлиги мулозимлари нима учун масжидларда овоз кучайтиргичлар тақиқланганини изоҳламади.
Farg‘ona viloyati prokuraturasi Marg‘ilon shahridagi 1-sonli Mehribonlik uyida hukumat va xalqaro tashkilotlar tarafidan ajratilgan xayr-ehson pullari talon-taroj qilingani bo‘yicha tergov yakunlanib, ish sudga oshirilganini bildirdi. Tergovchilar bolalar uyida tarbiyalanuvchilar jinsiy va jismoniy ekspluatatsiya qilingani iddaolarini ham o‘rganib chiqqan, lekin jo‘yali isbot-dalil bo‘lmagani va jabrlanuvchilardan bu borada shikoyat tushmagani sabab bu ish bo‘yicha tergov to‘xtatilganini bildirishdi.
Фарғона вилояти прокуратураси Марғилон шаҳридаги 1-сонли Меҳрибонлик уйида ҳукумат ва халқаро ташкилотлар тарафидан ажратилган хайр-эҳсон пуллари талон-тарож қилингани бўйича тергов якунланиб, иш судга оширилганини билдирди. Терговчилар болалар уйида тарбияланувчилар жинсий ва жисмоний эксплуатация қилингани иддаоларини ҳам ўрганиб чиққан, лекин жўяли исбот-далил бўлмагани ва жабрланувчилардан бу борада шикоят тушмагани сабаб бу иш бўйича тергов тўхтатилганини билдиришди.
Namangandagi masjidga yangi yil arafasi Qorboboning kirib kelishi aks etgan video ijtimoiy tarmoqlarda baxsu-munozaraga sabab bo‘ldi. Ozodlikning aniqlashicha, voqea 28 dekabr kuni Namanganning Norin tumanidagi “Ahmadali” jome’ masjidida bo‘lgan. Uzoq yurtlardan bomdod namoziga yetib kelganini aytar ekan “namanganlik Qorbobo” masjidda yig‘ilganlar oldida qo‘lini duoga ochib, O‘zbekistonga tinchlik tiladi.
Намангандаги масжидга янги йил арафаси Қорбобонинг кириб келиши акс этган видео ижтимоий тармоқларда бахсу-мунозарага сабаб бўлди. Озодликнинг аниқлашича, воқеа 28 декабр куни Наманганнинг Норин туманидаги “Аҳмадали” жомеъ масжидида бўлган. Узоқ юртлардан бомдод намозига етиб келганини айтар экан “наманганлик Қорбобо” масжидда йиғилганлар олдида қўлини дуога очиб, Ўзбекистонга тинчлик тилади.
O‘zbek-qozoq chegarasidagi G‘ishtko‘prik (Chernyaevka) va boshqa nazorat-o‘tkazish punktlari orqali mol olib o‘tish yana qiyinlashgan. Chegaradan Qozog‘istonga 9 yanvar kuni o‘tib-qaytgan o‘zbekistonliklar chegaradan bir hafta ilgari cheklovsiz olib o‘tish mumkin bo‘lgan maishiy va orgtexnika mollarini o‘zbek bojxonachilari o‘tkazmay qo‘yganini bildirishdi. O‘zbekiston Davlat bojxona qo‘mitasining Ozodlik bog‘langan rasmiylari esa qo‘shni davlatlardan shaxsiy foydalanish uchun olib kirilayotgan tovarlarga qo‘yilgan 10 dollarlik cheklov amalda qolayotganini aytishdi.
Ўзбек-қозоқ чегарасидаги Ғишткўприк (Черняевка) ва бошқа назорат-ўтказиш пунктлари орқали мол олиб ўтиш яна қийинлашган. Чегарадан Қозоғистонга 9 январ куни ўтиб-қайтган ўзбекистонликлар чегарадан бир ҳафта илгари чекловсиз олиб ўтиш мумкин бўлган маиший ва оргтехника молларини ўзбек божхоначилари ўтказмай қўйганини билдиришди. Ўзбекистон Давлат божхона қўмитасининг Озодлик боғланган расмийлари эса қўшни давлатлардан шахсий фойдаланиш учун олиб кирилаётган товарларга қўйилган 10 долларлик чеклов амалда қолаётганини айтишди.
O‘zbekiston ichki ishlar vaziri Po‘lat Bobojonov 2018–2020 yillarda “hibsga olingan va javobgarlikka tortilgan shaxslarga nisbatan qiynoq, ruhiy va jismoniy bosim qo‘llanishiga yo‘l qo‘ymaslik bo‘yicha chora-tadbirlar dasturi” ishlab chiqilayotganini ma’lum qilgan. Bu haqda IIV rasmiy saytida 6 yanvar kuni xabar qilindi. O‘zbekiston prezidenti Shavkat Mirziyoev o‘tgan oy O‘zbekiston Konstitutsiyasi qabul qilinganining 25 yilligiga bag‘ishlangan tantanali marosimdagi ma’ruzasida sud-tergov davomida qiynoq qo‘llash holatlarini tanqil qilgan va qiynoq qo‘llaganlarni jazolashga va’da bergandi.
Ўзбекистон ички ишлар вазири Пўлат Бобожонов 2018–2020 йилларда “ҳибсга олинган ва жавобгарликка тортилган шахсларга нисбатан қийноқ, руҳий ва жисмоний босим қўлланишига йўл қўймаслик бўйича чора-тадбирлар дастури” ишлаб чиқилаётганини маълум қилган. Бу ҳақда ИИВ расмий сайтида 6 январ куни хабар қилинди. Ўзбекистон президенти Шавкат Мирзиёев ўтган ой Ўзбекистон Конституцияси қабул қилинганининг 25 йиллигига бағишланган тантанали маросимдаги маърузасида суд-тергов давомида қийноқ қўллаш ҳолатларини танқил қилган ва қийноқ қўллаганларни жазолашга ваъда берганди.
Qariyb uch oydan buyon Toshkentdagi MXX tergov izolyatorida qolayotgan jurnalist Bobomurod Abdullaevning onasi, 69 yoshli Gavharjon Madaminova O‘zbekiston prezidenti Shavkat Mirziyoevdan o‘g‘lini sudda himoya qilishda yordam so‘radi. 5 dekabr kuni Feysbukda e’lon qilgan videomurojaatida Madaminova davlat to‘ntarishiga urinishda ayblanayotgan o‘g‘li advokatsiz qolayotganini aytdi.
Қарийб уч ойдан буён Тошкентдаги МХХ тергов изоляторида қолаётган журналист Бобомурод Абдуллаевнинг онаси, 69 ёшли Гавҳаржон Мадаминова Ўзбекистон президенти Шавкат Мирзиёевдан ўғлини судда ҳимоя қилишда ёрдам сўради. 5 декабрь куни Фейсбукда эълон қилган видеомурожаатида Мадаминова давлат тўнтаришига уринишда айбланаётган ўғли адвокатсиз қолаётганини айтди.
Andijonlik qo‘shiq shinavandasi marhum prezident Islom Karimovning Googoosha taxallusi bilan qo‘shiq kuylagan to‘ng‘ich qizi Gulnora Karimovaning "Ota" qo‘shig‘ini uyida baland ovozda qo‘ygani uchun militsiyadan ogohlantirish oldi.
Андижонлик қўшиқ шинавандаси марҳум президент Ислом Каримовнинг Googoosha тахаллуси билан қўшиқ куйлаган тўнғич қизи Гулнора Каримованинг "Ота" қўшиғини уйида баланд овозда қўйгани учун милициядан огоҳлантириш олди.
O‘zbek-qozoq chegarasidagi G‘ishtko‘prik (Chernyaevka) va boshqa nazorat-o‘tkazish punktlaridan 1000 AQSh dollari miqdoridagi o‘z ehtiyoji uchun iste’mol tovarlarini 1 yanvardan boshlab O‘zbekistonga bojsiz olib kirish boshlangan. Chegaradan Qozog‘istonga o‘tib-qaytgan o‘zbekistonliklar Ozodlikka yo‘llagan bu xabarni O‘zbekiston Davlat bojxona qo‘mitasining chngaradagi xodimoari tasdiqlashdi. Bundan avval qo‘shni davlatlardan O‘zbekistonga 10 dollargacha bo‘lgan narxdagi tovarni bojsiz olib kirish mumkin edi.
Ўзбек-қозоқ чегарасидаги Ғишткўприк (Черняевка) ва бошқа назорат-ўтказиш пунктларидан 1000 АҚШ доллари миқдоридаги ўз эҳтиёжи учун истеъмол товарларини 1 январдан бошлаб Ўзбекистонга божсиз олиб кириш бошланган. Чегарадан Қозоғистонга ўтиб-қайтган ўзбекистонликлар Озодликка йўллаган бу хабарни Ўзбекистон Давлат божхона қўмитасининг чнгарадаги ходимоари тасдиқлашди. Бундан аввал қўшни давлатлардан Ўзбекистонга 10 долларгача бўлган нархдаги товарни божсиз олиб кириш мумкин эди.
Давомини ўқинг
