60 дан кўпроқ одам ўлди, 336 киши ҳибсга олинди
Reuters ахборот агентлигининг турк мулозимига таяниб хабар беришича, ҳарбий тўнтаришга уриниш пайтида камида 60 киши ҳалок бўлган. Туркия Адлия вазири ҳозирга қадар 336 киши ҳибсга олинганини билдирди.
Пойтахт Анқарада Чанқая Кўшки (Президент саройи) ва Бош вазирлик расмий идорасига элтувчи барча йўллар беркитилди.
Туркия президенти ҳарбий тўнтаришга уринишда ортида тўғридан-тўғри Фетҳуллаҳ Гулен турганига ишора этди.
Фетҳуллаҳ Гулен ҳозирда Американинг Пенсилвания штатида истиқомат қилади.
У асос солган "Хизмат" жамоати Туркиядаги энг қудратли диний-сиёсий ҳаракатлардан бири ҳисобланади.
"Пенсилванияга сасланаман. Бу умматга, бу миллатга қилганинг хиёнат етар энди. Агар қийин бўлса, мамлакатингга қайт. У ердан бу ўлкани қориштиришга кучинг етмайди. Анқарада бир кичик муаммо бор, иншаоллоҳ, Анқарадаги бу муаммо ҳам ечилади. Вазият яхшилангунга қадар жойдан қимирлаш йўқ" деди Эрдўғон.
Аввалроқ Фетҳуллоҳ Гулен жамоати бир баёнот билан чиқиб, ҳарбий тўнтариш уринишини қоралаган ва унга жамоатнинг ҳеч қандай алоқаси йўқлигини билдирган эди.
Туркия президенти Анқара шаҳрида кичик бир муаммо борлигини, аммо у ҳам бартараф этилишини билдирди.