Туркия Буюк Миллат Мажлисига отилган бомбалардан яраланган 12 кишининг полиция ходимлари бўлгани маълум қилинди.
Туркиянинг ўнлаб шаҳарларида юз минглаб инсонлар ҳарбий тўнтариш уринишига қарши намойишларга чиқди.
Истанбул Жумҳурият Бош прокуратураси тарқатган хабарга кўра, Истанбулда тўнтаришга қўшилган 200дан ортиқ аскар ҳибсга олинди.
СNN Turk офиси жойлашган бинога бостириб кирган ҳарбийларнинг қўлларига кишан урилди ва, ҳозирга келиб, телевидение ўз эфирини давом эттириш арафасида.
Бино йўлакларига йиғилган телевидение ходимлари "Ë Оллоҳ¸ бисмиллоҳ¸ Оллоҳу акбар" дея ҳайқириқларини давом эттиришмоқда.
Маълумотларга кўра¸ жонли эфирда ҳарбийлар бостириб кирганини эшитган халқ офис биносига келган ва ҳарбийлар шундан кейин таслим бўлишган.