CNN Türk: 5 генерал ва 29 полковник вазифасидан четлатилди
CNN Türk телеканалига кўра, Туркия Ички ишлар вазирлиги 29 полковник ва 5 генерални вазифасидан четлатди.
Нега ҳарбий тўнтариш уриниши натижа бермади?
Таҳлилчилар бир неча сабабни келтиришади:
1. Ҳарбий тўнтаришда нисбатан оз сондаги аскарларнинг қатнашгани
2. Юқори рутбали қўмондонлар ҳарбий тўнтариш уринишини қоралаб чиққани
3. Халқнинг ҳарбий тўнтарувчиларга қарши чиққани
4. Ижтимоий медиа таъсири
CNN Turk телеканалининг хабар беришича, Туркия Армияси бош штабининг қўмондони Ҳулуси Акар хавфсизлик кучлари томонидан Анқара шимоли-ғарбидаги ҳаво базасида қутқариб олинди.
Озодлик Ҳулуси Акарнинг ҳарбий тўнтаришга уриниш бошанаркан гаровга олингани ҳақида хабар берганди.
Ҳибсга олинган ҳарбийлар сони 1374тага етди
Туркия Буюк Миллат Мажлиси спикери Исмоил Каҳрамон ҳарбий тўнтаришга уринишда алоқадорлик шахслардан 1374 кишининг ҳибсга олинганини маълум қилди.
Исмоил Қаҳрамон бугун тушликдан сўнг 1400да бошланажак парламентнинг фавқулодда йиғинида Туркиядаги уч йирик партия раҳбарлари чиқиш қилишларини айтди.