Моб:+79258363937 (шошилинч хабарлар)
Емайл: bobomatovu@rferl.org
Православ Рождествоси арафасида Москванинг Қизил майдонида жойлашган Қозон черкови томига чиқиб азон айтган гвинеялик 39 яшар Мамаду Ҳассимау Баррига врачлар шизофрения диагнози қўйишди. Руҳий хастага чиқарилган шахснинг бу қилиғи рус миллатчилари томонидан "мусулмонлар фитнаси" деб баҳоланмоқда.
Москвалик шифокорлар андижонлик 16 яшар Гулмирахонни мураккаб жарроҳлик амалиётидан ўтказказди ва у ота-онаси ҳамроҳлигида Ўзбекистонга жўнаб кетди. Жарроҳлар сколиоз касаллигининг оғир кўринишидан азият чеккан қизнинг дардига шифо топилгани, олдинда уни даволашнинг иккинчи босқичи кутаётганини айтмоқда. Оғир дардга чалинган қизнинг зарур амалиётдан ўтишида Озодлик муштарийларининг ҳам ҳиссаси бор.
30 декабрдан 3 январга қадар Волгоград вилоятида беш кунлик мотам эълон қилинди. Сочида ўтказилиши кутилаётган Қишки Олимпия ўйинларига олти ҳафта қолганда содир этилган иккита портлаш оқибатида 32 одам нобуд бўлди, шифохоналарга турли жароҳатлар билан 104 киши олиб келинди. Волгоград полицияси шаҳарда оммавий “зачистка” амалиётларини бошлади.
Ўзбек фоҳишаларини Дубайдан Владивостоккача, Патайядан Тбилисигача бўлган деярли ҳар бир ўлкада учратиш мумкин. Россиянинг Санкт-Петербург шаҳри бу қаторда алоҳида ўрин эгаллаб келмоқда.
25 декабр куни, қишки таътилга чиқиб кетишидан олдин, Федерация Кенгаши меҳнат муҳожирлари учун рус тили ва Россия тарихидан мажбурий имтиҳон жорий этиш тўғрисида Россия Давлат Думаси қабул қилган қонунни маъқулламади. 2015 йил, 1 январда кучга кириши керак бўлган бу ҳужжатда Россия парламентининг юқори палатаси аъзолари “қатор юридик хатолар” топди.
Петербург полицияси шаҳар кафеларидан бирида ўтаётган қирғиз тўйида отишма уюштирган шахсларни қидирувга берди. Жабрланганлар сўзига кўра, ўзбек экани айтилаётган бу шахслар кафега киритилмаганидан кейин муштлашув бошлаган. Ўзбек ва қирғиз диаспораси вакиллари бу жанжалга миллий тус беришнинг ҳожати йўқлигини гапирмоқда.
2014 йилнинг 26 январида Москва шаҳри марказида Россия мусулмонлари оммавий норозилик намойишини ўтказишга тайёргарлик қўрмоқда. Бир миллионга яқин одам иштирок этиши айтилаётган тадбирда Россияда мусулмонлари ўзларига қарши олиб борилаётган босим ва ноҳақликларга чек қўйиш талаби билан чиқади. Исломофобияга қарши митингда Россиядаги Марказий Осиё жамоатчилик ташкилотлари ҳам иштирок этиши кутилмоқда.
GUESTBUSTERS – мигрантларга қарши қаратилган рус миллатчиларининг янги лойиҳаси. “Русские” миллатчилар бирлашмаси қошида тузилган ҳаракат аъзолари "подвалларни мигрантлардан тозалаш" рейдларидан фото ва видеолавҳаларни узатиб бормоқда. Ҳаракат раҳбарларидан бири Озодлик билан суҳбатда "Россия кўчаларини фақат руслар тозалаши кераклиги" тўғрисида гапирди.
2 йиллик қамоқ жазосини ўтаётган Pussy Riot гуруҳи иштирокчиси Мария Алёхина 23 декабрда озодликка чиқди. Россия президенти томонидан авф этилган Алёхина муддатдан олдин қамоқдан чиқариб юборилганидан норози экани ва буни Кремлнинг навбатдаги “PR”акцияси эканини таъкидлади. Сўнгги соатда Москвадаги Исо Масиҳ ибодатхонасидаги безорилик учун қамалган Pussy Riot гуруҳининг иккинчи вакиласи – Надежда Толоконникованинг ҳам озодликка чиқарилгани маълум бўлди.
Михаил Ходорковский Карелиядаги қамоқхонадан озодликка чиқди. Жаноб Ходорковский авф этишни сўраб Путинга мурожаат қилганини тасдиқлади аммо кечирим сўрамади ва хатида пушаймонлик билдирмади. Қамоқдан чиқиши биланоқ Ходорковский ўзининг хаста онаси яшаб турган Германияга учиб кетди.
Москва метрополитенида қалбаки ҳужжатлар тайёрлаш ва сотишда айбланаётган 29 нафар Ўзбекистон фуқароси ҳибс этилди. Оператив ходимлар томонидан ўта сифатли экани эътироф этилган ясама ҳужжатлар¸ асосан¸ Россияга иш излаб келган меҳнат муҳожирларига пулланган.
18 декабрь - Халқаро муҳожирлар куни. Бирюлёво, Матвеевская ва Гольяноводаги ҳодисалардан кейин Россия ҳукумати илк маротаба бу кунни расман нишонлашга қарор қилди. Бироқ, Россияда меҳнат қилаётган муҳожирларнинг аксари вазият кун сайин оғирлашиб бораётганини таъкидламоқда.
Россияда эндигина ташкил топган “Dallol.ru” ахборот портали ижодкорлари Россияда яшаётган ўзбек муҳожирларини янги фильм танловига таклиф этмоқда. Янги кўп серияли фильм муаллифлари аллақачон Москвада фильмда иштирок этиш истагини билдирган номзодлар кастинги бошланиб кетганини маълум қилмоқда. Кастингда иштирок этган Озодлик мухбири танловда фаррошлар, машина ювувчилар ва сартарошлар ҳам иштирок этаётганига гувоҳ бўлди.
16 декабр куни Москвадаги Замонавий санъат музейида таниқли тошкентлик кинорежиссёр ва киношунос Олег Карповнинг замонавий ўзбек видеосанъатига бағишланган “Ўзбек Артжиҳоди” деб номланган маърузаси тингланди. Маърузачи замонавий ўзбек видеоарт усталари оғир шароитларда бўлсада, эътиборга молик асарларни яратаётганига йиғилганлар эътиборини қаратди.
Россия фуқаролигини олган ўзбеклар ҳам рус парламентининг муҳожирларга қарши қабул қилаётган қонунларидан жабр тортмоқда. 54 ёшли Муҳаммаджон Саидмурзаев Озодликка Люберцида ўтказилган рейд давомида мол-мулкидан ажраганини гапириб берди.
Украинада евроинтеграция тарафдорларининг аскил-ҳукумат намойишлари давом этаркан Европа Иттифоқи ҳам, Россия ҳам яқинроқ алоқалар эвазига Украинага иқтисодий ва молиявий имтиёзларни таклиф қилишга тайёрлигини билдирмоқда.
Россияда тузилажак янги ахборот агентлигига Кремл томонидан Ғарбда мамлакат “имижини” яхшилаш вазифаси қўйилмоқда. Кузатувчилар Russia Today номли халқаро хабар агентлиги тузилишини Владимир Путиннинг навбатдаги тарғибот ва ташвиқот лойиҳаси ўлароқ баҳоламоқда.
Россиялик хусусий тадбиркор ва юридик шахслар ҳам хориж фуқароларини патент тизими асосида ёллаши керак. Россия Федерал Мажлиси олдида қилган йиллик мурожаатида президент Владимир Путин миграция қонунчилигини бузганларни 3 йилдан 10 йилгача мамлакатдан бадарға қилишни таклиф этди.
Федерал миграция хизматининг Москва вилояти бўйича бошқармаси Россия ҳудудида ноқонуний яшаётган ҳомиладор муҳожир аёлларни аниқлаш ва депортация қилишга қаратилган махсус амалиёт ўтказишини маълум қилди. “Миграция ва ҳуқуқ” ҳуқуқ ҳимояси ташкилоти раҳбари Гавҳар Жўраева ФМСнинг бу ҳаракатларини сўнгги йилларда Россия, айниқса Москва вилоятида муҳожир аёллар томонидан ёш болаларни ташлаб кетиш ҳоллари кескин кўпайгани билан изоҳламоқда.
Санкт-Петербургнинг Калинин туманида ишлаётган Ўзбекистон фуқароси ўзи билан яшаган аёлни ўлдирганликда айбланмоқда. 7 декабр куни чиққан жанжал оқибатида жазавага тушган 37 ёшли ўзбек ўз маъшуқасини аввал калтаклагани, кейин устидан бензин қўйиб ёқиб юборгани гумон қилинмоқда.
Давомини ўқинг
