Моб:+79258363937 (шошилинч хабарлар)
Емайл: bobomatovu@rferl.org
Подмосковьенинг Биково қўрғони атрофидаги бир нечта қишлоқларда 8 август куни алкогол ичимликлар сотилиши тақиқлангани тўғрисида қарор Россия блогосферасида қизғин баҳсларни келтириб чиқарди. Блогерлардан бири Стрелковское туман маъмурияти ароқ-пиво сотилишини Россия мусулмонлари нишонлаётган Рамазон Ҳайити байрами муносабати билан махсус қарор нусхасини эълон қилди.
Москванинг Голяново туманидаги мигрантларни депортация қилишга мўлжалланган чодир шаҳарчада бўлиб қайтган бир гуруҳ россиялик ҳуқуқ ҳимоячилари бошланган “тозалаш” натижаларига оид матбуот анжумани ўтказди. Ҳуқуқ фаоллари муҳожирларнинг лагерларда ноқонуний сақланиши юзасидан жиноий иш қўзғатишни талаб қилмоқда.
Москванинг Шчербинка шаҳридаги бозорлардан бирида ўтказилган полиция рейди натижасида ҳибсга олинган ўзбекистонлик меҳнат муҳожирлари 3 кундан бери маҳаллий полиция бўлими гаражида ушлаб турилибди. Калтакланган ва жароҳат олган ўзбек йигитларининг яқинлари бирор идорада уларнинг арз-шикоятлари тингланмаётганидан шикоят қилмоқда.
Россия Федерал Миграция хизмати мамлакатнинг барча федерал минтақаларида ноқонуний мигрантларни вақтинчалик сақлаш марказларини ташкил қилишни режалаштирмоқда. Ҳукумат муҳокамасига тақдим этилган қонун лойиҳасида ташкил қилинадиган 83та лагерни қўриқлаш ва бошқаришга қўшимча 4661та хизматчи ёллаш кўзда тутилган.
27 июлдан бери Москвада бораётган полиция рейдлари чоғида қўлга олинган муҳожирлар учун махсус чодир шаҳарча қурилди. Шаҳарнинг Голяново туманида жойлашган бу лагернинг 900 кишини қабул қилиши айтилмоқда. Расмий хабарларга кўра, “тозалаш” амалиётлари натижасида аллақачон 3,5 мингдан зиёд ноқонуний муҳожир ҳибс этилган.
23 июндан бери Москванинг Шеремьетево аэропортида мақоми мавҳум қолиб келган АҚШ Миллий хавфсизлик агентлиги собиқ ходими Эдвард Сноуден пайшанба куни аэропортнинг транзит ҳудудини тарк этди.
Москвада полиция ходимига қилинган ҳужум ортидан бошланган “тозалаш” амалиётлари бозорлардан муҳожирлар яшовчи ва ишловчи бошқа объектларга кўчди. Россия Ички ишлар вазири буйруғига мувофиқ¸ полиция ва ОМОН рейдлари яна икки кун давом этади.
Москва ва Санкт-Петербург шаҳарлари бозорларининг муҳожирлар тўпланадиган объектларида полиция рейдлари давом этмоқда. “Ноқонуний муҳожир ови”га ҳуқуқ-тартибот ва миграция идоралари ходимларидан ташқари бу шаҳарлардаги миллатчи гуруҳлар ҳам ружу қўяётгани кузатилмоқда.
Москвалик шифокорлар андижонлик 16 яшар Гулмирахонни мураккаб жарроҳлик операциясига тайёрламоқдалар. Россиянинг Н.Приоров номидаги Травматология ва ортопедия касалликлари бўйича марказида ўтадиган амалиёт учун ҳозир маблағ йўқ. Аммо ўспиринни оғир хасталикдан даволашга қаратилган амалиётни ўтказишга астойдил бел боғлаган шифокорлар хайрия акцияси ташаббуси билан чиқдилар.
Беларуснинг Витебск вилоятидаги автоҳалокатда нобуд бўлган ўн йўловчидан тўрттаси Ўзбекистон фуқароси бўлиб чиқди. Витебск терговчиларининг дастлабки хулосасига кўра, “Опел” русумидаги автомобилни бошқараётган ўзбек ухлаб қолиб, қарама-қарши йўналишда келаётган “Мерседес” микроавтобуси билан тўқнашиб кетган.
26 июл куни Москванинг Жануби-ғарбий округида бир неча ойлик маошини талаб қилган 200 яқин муҳожир коммунал хўжалик идораси олдига йиғилди. Иш берувчи идора раҳбарияти асосан Бухоро ва Қорақалпоғистондан бўлган бу муҳожирларни биринчи маротаба кўриб турганини гапирмоқда.
Россиянинг Брянск вилоятидан 37 ёшли ўзбекистонлик Абдусамад Мирзаев маҳаллий куч ишлатар тизим ходимлари ёрдамида ноқонуний тарзда Ўзбекистонга бериб юборилди. Уни Россиядан ноқонуний олиб чиқилишига тўсқинлик қилган ҳуқуқ фаоли Баҳром Ҳамроев полиция бўлинмасида ҳеч қандай тушунтиришларсиз бир сутка ушлаб турилди. “Мемориал” бу ҳодиса юзасидан текширув ўтказиш талаби билан маҳаллий ҳуқуқ-тартибот идораларига мурожаат қилди.
Бир неча йилдан бери Россиянинг энг бадавлат шахси мақомини сақлаб келаëтган асли наманганлик миллиардер Алишер Усмонов¸ Forbes журнали ҳисобича¸ хайрия ишларига энг кўп пул бераëтган россиялик олигархлар рўйхатида ҳам биринчи деб топилди.
Екатеринбургда 2 яшар болани ўзбек муҳожири машинасида босиб кетгани боис маҳаллий аҳолининг муҳожирларга қарши бир неча оммавий норозилик акциялари уюштирилишига сабаб бўлди. Ҳодиса жойида ҳибсга олинган Азаматбек Ёқубовнинг озодликка чиқарилганидан екатеринбургликлар норози бўлмоқда. Бу вазиятдан эса рус миллатчи ташкилотлари фойдаланишга уриниб кўрди.
Россиянинг турли минтақаларида ишлаш учун рухсатнома ва Миграция хизмати билан боғлиқ бошқа ҳужжатларни расмийлаштириш жуда мураккаблашиб бораётгани тўғрисида меҳнат муҳожирларидан келаётган мурожаатлар кўпайиб бормоқда. Озодлик бу мурожаатларга расмий жавоб олишга уринди.
Давлат маблағини ўзлаштирганликда айбдор деб топилиб¸ 5 йиллик қамоққа ҳукм этилган Россия мухолифатининг таниқли намояндаси Алексей Навальний тарафдорлари 18 июл куни Москва марказида рухсат берилмаган норозилик акцияси ўтказди.
Кубаннинг Қрим туманида уч нафар Ўзбекистон фуқаросини ўлдирганликда гумонланаётган шахслар ҳибс этилди. Полиция жиноят изини йўқотиш учун маҳаллийлар ўзбек мардикорларини аввалига бўғизлагани, кейин бошидан тўппонча билан отиб, ёқиб юборганини хабар қилмоқда.
Россиядан Ўзбекистонга темир йўл ва авиачипталар нархлари ошаётгани кузатилмоқда. Чипталарнинг қимматлаётгани Россияда ишлаб, ортга қайтаётган меҳнат муҳожирлари сони ошиши билан боғланмоқда. Сотувчилар бу ҳолат янги йилгача кузатилишини гапирмоқда.
Россиянинг Тюмен шаҳрида Ўзбекистон сўрови билан диндор Усмон Муҳиддинов ҳибсга олинди. Маҳбуснинг яқинлари у 1992 йилда Ўзбекистондан чиқиб кетганига қарамасдан, “диний-экстремистик ташкилотлар тузганликда” ва “Ўзбекистон Республикасига хавф солувчи фаолият” юритганликда айбланаётганини таъкидламоқда.
Москвадаги автосервислардан бирида иш бошлаган ўзбек муҳожири тўрт нафар юртдошини пичоқлади. Ароқхўрлик қилганларнинг рўзадорни масхара қилиши ортидан бошланган жанжал оқибатида бир киши нобуд бўлди, қолганлар шифохонага ëтқизилди.
Давомини ўқинг
