Моб:+79258363937 (шошилинч хабарлар)
Емайл: bobomatovu@rferl.org
Шариат судлари жорий қилинмаса, “Россия қонга беланиши”ни ваъда қилган адвокат Дагир Хасавов Россияни тарк этишга мажбур бўлди. Лондонда эканлиги айтилаётган адвокат Хасавовнинг ўзи, унинг сўзлари нотўғри талқин этилганини айтмоқда.
Шанба куни Татаристон ички ишлар махсус гуруҳи томонидан Ўзбекистон конституциявий тузумига тажовуз қилганликда айбланаётган ўзбек муҳожири ҳибсга олинди. Россияда деҳқончилик қилиб, кун кечириб юрган бу йигит халқаро қидирувда бўлганини полиция ходимларидан эшитганини айтмоқда.
Петербургдаги Хориж фуқароларини вақтинчалик сақлаш марказига бошлиқ этиб ИИВнинг Тезкор отряди офицери тайинланди.
Қозоғистон Шанxай ҳамкорлиги ташкилоти доирасида киберполиция тузиш лойиҳасини ишлаб чиқди. Лойиҳа ташаббусчилари Интернет полицияси ёрдамида виртуал оламдаги агрессив сепаратизм, террорчилик ва наркобизнесга қарши курашиш ниятида.
Москвалик адвокат Дагир Хасавов Россияда шариат судларини жорий қилиш масаласини кўтарди. Хасавовнинг акс ҳолда “Москва қонга беланиши” тўғрисида қилган баёноти Россия жамоатчилигининг кескин норозилигига сабаб бўлди.
Бошқирдистонда икки нафар тожикистонлик мардикорни вахшийларча ўлдирган Ўзбекистон ва Қирғизистон фуқароларига узоқ муддатли қамоқ жазоси тайинланди. Бошқирдистон Олий Суди ҳукмида “қора бригадирлик” қилган ўзбекистонлик Олимжон Орифжонов меҳнат муҳожирларидан олган қарзини бермаслик мақсадида отиб ўлдиргани айтилади.
22 апрел куни Москвадаги Исо Масиҳ ибодатхонаси олдида черков ҳимояси учун уюштирилган ибодат маросимига 65 минг одам чиқди.
Татаристоннинг Мемдел қишлоғида юз берган портлаш оқибатида январ ойида террорчиликда айбланиб ўлдирилган ўзбекистонлик Рустам Юсуповнинг ота-онаси жароҳат олди.
Екатеринбургнинг Кольцово аэропортида Самарқанддан келган йўловчиларга иммиграция картаси берилмаётир. Маҳаллий Миграция хизматида буни Россияга кириб келаётган меҳнат муҳожирларига бериладиган миграция картаси тугаб қолгани билан изоҳлашмоқда.
Россиялик бир гуруҳ ҳуқуқ ҳимоячилари Россия ҳукумати томонидан Инсон ҳуқуқлари бўйича Европа суди қарорлари қўпол тарзда бузилаётгани юзасидан Европа суди раиси ва бошқа қатор ташкилотларга хат юборди. Номада сўнгги пайтларда Ўзбекистон ва Тожикистонга бериб юборилиши тўхтатилган шахсларнинг мамлакатдан ноқонуний олиб чиқилиши ҳоллари кўпайиб бораётгани масаласига эътибор қаратилди.
17 апрел куни Москва жанубида янги қурилаётган етти қаватли бинонинг қулаши оқибатида бир киши нобуд бўлди, 10 киши жароҳат олди. Жабрланганлар Ўзбекистон ва Тожикистон фуқаролари экани айтилмоқда.
Астрахан шаҳар мэрлигига “Справедливая Россия” партиясидан номзоди қўйилган Олег Шеин маъмурий жавобгарликка тортилиши мумкин. 4 март кунги шаҳар мэри сайловида сохаткорликлар бўлганини иддао қилаётган Олег Шеин бир ойдирки очлик акциясини давом эттирмоқда.
16 апрелдан Россияга Ўзбекистон, Озарбайжон ва Тожикистондан келаётган йўловчиларнинг қўл юки ва багажида ўсимлик маҳсулотларини олиб кириш тақиқланди.
Россиянинг энг бадавлат кишиси сифатида танилган асли ўзбекистонлик олигарх Алишер Усмонов Москва марказидаги иккита хона учун Москва ҳукумати билан судлашмоқда.
10 апрел куни Москвада таниқли мусулмон жамоатчлик арбоби Метин Мехтиев ўлдириб кетилди. Шу кунларда Россия пойтахтининг яна бир нечта жойида марказий-осиёлик меҳнат муҳожирларига қуролланган гуруҳлар ҳужумлари уюштирилди.
6 апрел куни Россиянинг Калуга вилоятида қулаб тушган самолётни Ўзбекистон фуқароси бошқаргани айтилмоқда.
Санкт-Петербург шаҳридаги коммунал квартиралардан бирида чиққан ёнғин оқибатида Ўзбекистон икки фуқароси ва Тожикистон фуқароси деб тахмин қилинаётган икки бола нобуд бўлди.
Россиянинг Санкт-Петербург шаҳрида Ўзбекистон ва Тожикистоннинг 11 фуқароси Ички ишлар Бош бошқармасига қарашли Хориж фуқароларини сақлаш марказидан икки соқчига жароҳат етказиб қочди.
Москва Федерал миграция хизмати ходимлари яна ноқонуний меҳнат муҳожирларини ов қилишга киришди. Полиция бўлимига олиб келинган мигрантларнинг ФМС ва полиция томонидан калтакланаётгани ва таҳқирланаётгани айтилмоқда.
Ленинград вилоятида ўзбек миллатига мансуб эркак ахлат контейнерига бир ойлик чақалоқни ташлаб кетди. Болани ўзбек миллатига мансуб аёл қутқариб қолгани айтилмоқда.
Давомини ўқинг
