Моб:+79258363937 (шошилинч хабарлар)
Емайл: bobomatovu@rferl.org
2011 йилнинг 8 январ куни Amnesty International Халқаро инсон ҳуқуқларини ҳимоя қилиш ташкилоти Москвада рухсат этилган намойиш чоғида ҳибсга олинмиш россиялик беш нафар мухолифатчини виждон тутқунлари, деб эълон қилди.
Президент Дмитрий Медведев меҳнат муҳожирларининг Россиядан чиқиб кетиши тўғрисидаги қонунни тасдиқлади. Эски тартибга кўра, фавқулодда вазиятларда мардикорни мамлакатдан чиқариб юбориш ҳаражатларини иш берувчи кўтариши керак эди. Энди иш берувчи бундай мажбуриятдан озод қилинди.
Москвада хорижлик мардикорларни ёллайдиган иш берувчилардан 2012 йилга ажратилган квоталар учун аризалари қабул қилина бошлади. Меҳнат ва аҳолини иш билан таъминлаш Департаментига кўра, ишчи мигрантлар учун ажратилган квоталарни тақсимлаш май ойигача давом этади.
2 январ куни Москвада расмийлар томонидан рухсат этилган митингда милиция томонидан ҳибсга олинмиш бир қатор мухолифат етакчиларига суд томонидан маъмурий қамоқ жазоси тайинланди.
Саратов вилоят суди Россия Бош прокуратурасининг ўзбекистонлик Давронбек Хўжамбердиевни экстрадиция қилиш хақидаги қарорини бекор қилди. Асли андижонлик Давронбек Хўжамбердиев Ўзбекистон Россиядана экстрадиция қилишни сўраган ягона қочқин эмас.
Норвегия расмийлари қочқинлик мақомини сўраётган ўзбекистонликларни 2011 йилдан бошлаб мамлакатдан оммавий равишда экстрадиция қилишга тайёрланмоқда. Қочқинлик мақомини сўраётган ўзбекистонликлар эса бунинг халқаро қонунчиликка мутлақо зид эканини айтмоқдалар.
Москвада Ўзбекистон томонидан халқаро қидирувга берилган 31 ёшли Наби Султонов милиция томонидан яна бир бор қўлга олинди. Вақтинчалик қочқин мақомига эга Султонов озод қилинган бўлса-да¸ бундай хатарли ҳолатнинг қидирувда бўлган бошқа ўзбекистонликлар билан яна такрорланиши мумкинлигини айтилмоқда.
"Москвада содир этилаётган жиноятларнинг 49 фоизи москвалик бўлмаганлар томонидан содир этилмоқда". 22 декабр кунги матбуот анжуманида шундай баëнот берган Москва Ички ишлар бошқармаси бошлиғи¸ муаммо ечими сифатида пойтахтда муҳожирларни қайдга олиш қоидаларини кескинлаштиришни тавсия қилди.
Россия Федерал миграция хизмати таркибида муҳожирларнинг Россия жамиятига интеграцияси ва мувофиқлашиши билан шуғулланувчи махсус бўлинма ташкил этилади. Россия йирик шаҳарларида миллий адоват асосида бошланган қатор тўқнашувлардан сўнг¸ ҳукумат шундай қарорга келди.
Янги Уренгойдаги «Нур Ислом» масжиди имоми этиб жорий йил октябр ойида отиб кетилган асли ўзбекистонлик имом Исомуддин Акбаровнинг тўнғич ўғли¸ 28 ёшли Муҳаммад Акбаров сайланди. Янги имом ўз отаси ишини давом эттириш ниятида эканини айтмоқда.
Россия Муфтийлар кенгаши раиси Равил Ғайнуддин Озодлик радиосига берган интервьюсида Россия ҳукуматини исломофобияда айблади. Унинг сўзларига кўра, Кремл Россия мусулмонларининг бирлашишга бўлган интилишларига қарши чиқмоқда.
16 дан 17 декабрга ўтар кечаси Москванинг Жанубий-Ғарбий округида 22 ёшли Ўзбекистон фуқароси пичоқлаб кетилди. Ҳуқуқ-тартибот идоралари бу жиноятни содир этган миллатчилардан бири қўлга олинганини айтмоқда.
Чоршанба куни Москвада кавказлик ёшлар ва рус миллатчилари ўртасида бўлиб ўтган қатор тўқнашувлар оқибатида милиция ходимлари томонидан 1300 дан ортиқ одам қўлга олинди. Миллатчилар кавказликларга қарши янада оммавийроқ чиқишлар уюштирилишини айтмоқдалар.
Волгоградда ўзбекистонлик меҳнат муҳожирлари касаба уюшмасини туздилар. Уюшма Волгоградда меҳнат қилаётган меҳнат муҳожирлари ҳақ-ҳуқуқларини химоя қилиш мақсадида, “Юртдош Ўзбеклар Иттифоқи” минтақавий жамоатчилик ташкилоти ташаббуси билан тузилди.
Россиянинг Твер вилоятидаги «Ржев» аграр коллежи маъмурияти Россия президенти, бош вазири, бош прокурори, Давлат думаси раиси ва Россия таълим ва фан вазирларига мурожаат қилди. Коллеж раҳбарияти 270 нафар қирғизистонлик ёшларни ўқитаётгани боис Ржев шаҳар маъмурияти тазйиқларига учраётганини айтмоқда.
Москвадаги Бакулев номидаги юрак-томир жарроҳлиги марказида ўзбекистонлик Улуғбек Рустамовнинг юраги муваффақиятли операция қилинди. Икки ёшдаги Улуғбекни қутқариш амалиётида турли миллат ва элат, дин ва эътиқод, ёш ва дунёқарашга эга инсонлар иштирок этди.
10 декабр куни Москвада Коллектив хавфсизлик шартномаси ташкилоти ҳамда МДҲ давлатлари раҳбарларининг саммитлари ўтказилди. Бу йиғинларда Ўзбекистон Президенти Ислом Каримов ҳам иштирок этди.
Москвада 7 декабр куни Россия Ички ишлар вазирлиги ва Федерал хавфсизлик хизмати ҳамкорликда ўтказган «аксил-террор амалиёти» пайтида Москвадаги сиёсий қочқинлар жамияти президенти Баҳром Ҳамроев махфий хизмат ходими томонидан калтакланди. Россиянинг турли минтақаларида мусулмонларга қарши қаратилган “аксил-террор операциялари” тез-тез ўтказилмоқда.
Human Rights Watch олиб борган кузатув натижаларига кўра, россиялик иш берувчиларнинг аксарияти меҳнат муҳожирларини меҳнат шартномасисиз ишлатаяпти. Бу ҳол эса мардикорни маҳаллий адлия ва ҳуқуқ-тартибот тизимлари олдида заиф кимсага айлантириб қўймоқда.
2 декабр куни Россия ҳукумати мамлакат савдо тармоқларида чет эл фуқаролари ишлашини чекловчи қарори муддатини яна бир йилга узайтирди. Янги фармонга кўра¸ меҳнат муҳожирлари алкогол, дори-дармон, бозор ва савдо палаткаларида озиқ-овқат савдоси билан шуғулланиш ҳуқуқидан яна маҳрум қолди.
Давомини ўқинг
