Моб:+79258363937 (шошилинч хабарлар)
Емайл: bobomatovu@rferl.org
Москва марказидаги Манежная майдонида беш ойдирки Кабардин-Болқор республикаси ҳукумати олиб бораётган сиёсатга қарши болқор оқсоқолларининг норозилик акцияси давом этмоқда. Қиш қаҳрига олганига қарамай¸ чолларнинг норозиликни тўхтатиш нияти йўқ.
Рус тилини яхши биладиган исталган хориж фуқароси Россия қуролли кучларида контракт асосида хизмат қилиш учун ҳужжат топшириш ҳуқуқига эга. Россия Қуролли кучлари расмий сайтида чоп этилган президент қарори лойиҳасига кўра, уч йиллик контракт муддатини ўтаган хорижий Россия фуқаролигини олиш ҳаққини қўлга киритади.
28 ноябр куни эрталаб Москвада шаҳарнинг Текстилшчики мавзесида масжид қурилишига қарши маҳаллий жамоатчилик гуруҳлари вакилларининг автомобилларда юриши ўтказилди. Ислом ва мусулмонларга қарши қаратилмагани айтилаëтган мазкур тадбирда элликка яқин автомобил иштирок этди.
Москванинг “Проспект мира” метро станциясида ишлаётган назорат ходимлари учун энг оғир кунлар мусулмонларнинг Рамазон ва Қурбон ҳайитлари экан. Станция ходимларининг Озодликка айтишича, кейинги йилларда муҳожир мусулмонлар гурас-гурас жамоат намозига келадиган жума кунлари ҳам айни шундай оғир кунлар қаторига қўшилган.
Айни кунларда Москвада 2 миллиондан ошиқ ноқонуний меҳнат муҳожири бор¸ дея баëнот берди Москва ҳукумати йиғилишида шаҳар мэри Сергей Собянин. Аммо Россия Федерал миграция хизмати мутассаддилари Москва мэри келтирган бу рақамлар ҳақиқатга тўғри келмаслигини айтмоқда.
Россия Федерация Жамоатчилик палатаси Москва яқинидаги Хотково шаҳарчасида рўй берган низо юзасида ўтказган текширувга оид очиқ мурожаатнома эълон қилди. Ўтган ойда маҳаллийлар ва меҳнат муҳожирлари ўртасида рўй берган муштлашув оқибатида хотковолик 25 яшар Петр Капралов ҳалок бўлган эди.
"Ўзбек киносининг ўзига хос янги давр маданиятини яратиш учун ўнлаб йиллар керак, маданиятни эса алоҳида шахслар эмас, балки бутун халқ яратади". Бу гаплар таниқли ўзбек кинорежиссери Али Ҳамроевга дохилдир.
Россия Федерал миграция хизмати фуқароларнинг яшаш жойида қайдга туриш жараёнини соддалаштирмоқчи. Келаси йилдан бошлаб россияликлар мамлакатнинг истаган минтақасида Интернет орқали 3 кун ичида қайдга туриши мумкин. Расмийлар бундай чора билан ҳориждан келаётган мигрантлар оқимини камайтирмоқчи.
16 ноябр куни Москвадаги Кино уйида машҳур қирғиз режиссёри Толомуш Океевнинг 75 йиллигига бағишланган хотира кечасида тадбир ташкилотчиларидан бири, таниқли ўзбек кинорежиссёри Али Ҳамроевнинг Тўлўмуш Ўкеевга бағишланган хужжатли филми намойиш этилди.
Сешанба куни Москва Жоме масжидига Қурбон Ҳайитини нишонлашга 70 мингга яқин мусулмон йиғилди. Ҳайит намози тинч ва жиддий тартибсизликларсиз ўқилди. Лекин москваликлар қурбонлик келтириш Москва кўчаларида амалга оширилишидан хавотирланмоқда.
13 ноябр куни Россиянинг Улан-Удэ шаҳрида Навоий тоғ-металлургия комбинатининг собиқ бош инженери Алексей Бурксер ҳибсга олинди. Бир йилдан бери Россиянинг “Бурятзолото” акционерлик жамияти бош директори лавозимида ишлаб келган Бурксер Ўзбекистон сўровига кўра қўлга олингани айтилмоқда.
16 ноябр куни Россия мусулмонлари бошқа диндошлари каби Қурбон байрамини нишонлайдилар, Ҳайит намозини адо этадилар. Байрам арафасида Озодлик Москванинг энг йирик масжидлари тарихи, уларнинг бугунги ҳолатига оид мақолаларни эътиборингизга ҳавола қилмоқчи.
Воронеж Ички ишлар бошқармаси шаҳардаги исломий жамоаларга расмий сўров юбориб¸ унда жамоанинг ҳар бир аъзосига оид барча маълумотни ўз ихтиëрига тақдим этишни талаб қилган.
Инсон ҳақлари бўйича Европа суди Россия ҳукуматига Ҳизбут-Таҳрир гуруҳига аъзоликда айбланиб Ўзбекистон ҳукумати талаби билан 2006 йилда Россиядан экстрадиция қилинган Рустам Мўминовни топиб¸ унга 20 минг евро товон пули тўлаш мажбуриятини юклади.
"Москва руслар учун!"¸ "Йўқолсин келгиндилар!" шиорлари кўтарилган "Рус марши"дан уч кун ўтиб¸ Россия пойтахтида ашаддий миллатчилар амалга оширгани тахмин қилинаëтган бир неча қотиллик содир бўлди. Қурбонлар орасида Ўзбекистон фуқаролари ҳам бор.
5 дан 6 ноябрга ўтар кечаси Москванинг Пятницкая кўчасида “Коммерсант” газетаси таҳлилчиси Олег Кашин калтаклаб кетилди. Айни пайтда оғир аҳволда шифохонага келтирилган Кашиннинг ҳамкасблари мазкур ҳужумни бевосита журналистнинг касбий фаолияти билан боғлаяптилар.
Удмуртиянинг Катта Жужгес қишлоғида Ўзбек миллий-маданий марказининг маҳаллий бўлими очилди. Ижевскдаги “Тинчлик” миллий-маданий бирлашмаси қошида очилган бу тузилманинг маҳаллий халқ билан муносабатларни яхшилашга хизмат қилиши айтилмоқда.
4 ноябр куни Москва янги мэрининг рухсати билан Россия пойтахтида рус миллатчиларининг юриши бўлиб ўтди. "Россия руслар учун!"¸ "Йўқолсин келгиндилар!" шиорлари билан ўтган мазкур юришда фаолияти тақиқланган ашаддий миллатчи гуруҳлар ҳам иштирок қилди.
Европа Иттифоқи Россиянинг ўзаро визасиз борди-келди тартибига ўтиш таклифи ижросини номаълум муддатга кечиктирди ва бундай қарорни россияликларнинг иттифоқ ҳудудларига визасиз кириши ноқонуний муҳожирлар оқимига йўл очади¸ дея изоҳлади. Бундай шарҳ Москва расмийлари эътирозига учрамоқда.
31 октябр куни Россиянинг 70 га яқин шаҳрида эркин йиғилишлар ўтказишни таъминлаш талаби билан минглаб одам намойишга чиқди. Москвадаги Триумфалная майдонида Россия мухолифат фаоллари ва ҳуқуқ ҳимоячиларининг бирлашган митинги бўлиб ўтди. “Стратегия-31” намойиши биринчи маротаба Москва расмийлари билан келишув асосида ўтказилди.
Давомини ўқинг
