Моб:+79258363937 (шошилинч хабарлар)
Емайл: bobomatovu@rferl.org
Говорит Москва: “Россиялик миллиардер Алишер Усмоновнинг Ўзбекистон ички сиёсатига таъсири ошиб бораётир”. Россия оммавий ахборот воситаларида кенг тарқатилаётган бу тахминда Ўзбекистонда вақтинчалик президентлик вазифасини бажарувчи Шавкат Мирзиёев мустақил сиёсат юргизишига шубҳа билдирилмоқда.
Ижтимоий тармоқларда Тошкент ва республиканинг бошқа ҳудудларида “фоҳишахонага айлантирилган” квартираларнинг суд ҳукми билан тортиб олиш ҳолатлари кўпайгани қизғин муҳокамаларга сабаб бўлмоқда. Ўзбекистонлик квартира эгалари мулклари Ўзбекистон Жиноят Кодексининг 131 моддаси – “Фоҳишахона сақлаш ёки қўшмачилик қилиш” асосида мусодара қилинаётганини билдирмоқда.
Ўзбекистонга Россиядан уй-рўзғор буюмлари олиб кираётган меҳнат муҳожирлари Ўзбекистон божхонасида муаммоларга дуч келмоқда. OzodJavob эшиттириши Ўзбекистон Республикаси Давлат божхона қўмитаси билан боғланиб, тингловчиларимизнинг аксариятини қизиқтираётган саволларга жавоб топишга уринди.
Қашқадарё вилояти Қарши туманида мол ўғрилиги кўпайганини Озодликка хабар қилган маҳаллийлардан бири милиция ходимларининг масалага бепарволигидан арз қилди. Қарши туман милициясида ҳозирча бирорта мол ўғриси бу жиноятлар асосида жиноий жавобгарликка тортилмаганини тасдиқламоқда.
Пахта йиғим-терими мавсумида Ўзбекистоннинг кўплаб жойларида техника билан боғлиқ муаммолар вужудга келмоқда. Ижтимоий тармоқлар орқали Озодликка келаётган хабарлардан айрим хўжаликлар қишлоқ хўжалиги ва йўловчи транспортдан муаммолар пайдо бўлаётганини билдирса, яна бошқалари техника билан таъминланишда муаммо йўқлигини гапирмоқда.
Ҳаваскор бокс халқаро ассоциацияси (AIBA) Рио-де-Жанейродаги бокс мусобақаларида иштирок этган 36 нафар ҳакамни вақтинчалик муддатга ҳакамлик қилишдан четлаштирди. Бошлаб юборилган суриштирувда Бразилияда ўтган Олимпия ўйинларидаги бокс бўйича ҳакамликка бўлган эътирозлар текширилади.
Ўтган ҳафта охирларида Ўзбекистонда об-ҳавонинг ёмонлашиши туфайли пахта теримига навбатдаги сафарбарлик бошланди. Ёмғир ёғиши ва совуқ тушиши натижасида олдин сафарбар этилган кўплаб теримчиларнинг уйларига кетиб қолиши кўпайган. Пахта даласига нафақат вилоятлардаги коллежлар, балки пойтахтдаги айрим олий ўқув юртлари ўқитувчи-талабалари чиқарилди.
6 октябрь куни футбол бўйича Ўзбекистон миллий терма жамоаси Жаҳон чемпионати-2018 саралаш босқичи доирасида Эронга қарши майдонга тушади. Терма жамоа мухлисларидан келиб тушаётган хабарларга кўра, ўйин олдидан яна икки кун бўлишига қарамасдан, “Бунёдкор” стадионида ўтказилажак ўйинга чипталар аллақачон сотилиб бўлган. Айни пайтда номинал нархи 25 минг сўмлик билетларни олибсотарлар стадион атрофида 100 минг сўмдан пулламоқда.
Тошкент тадбиркорлари бозорларда терминал орқали сотиб олинаётган товарга қўйилаётган устамани 20 фоиздан оширишга мажбур бўлаётгани ва мижозларни йўқотаётганидан арз қилмоқда. Пойтахтда савдо қилаётган бозорчилар буни нақд пулнинг тақчиллиги ва терминал орқали савдо қилаётган нуқталарнинг камлиги билан изоҳламоқда.
Фарғона вилоятининг Риштон туманида давлат белгилаб қўйган қатъий нархли ўсимлик мойи пахта теримига чиқмаган оилаларга сотилмаяпти. Теримда иштирок этганларга эса, уларни рағбатлантириш мақсадида, саноат моллари ва озиқ-овқат маҳсулотлари тарқатилмоқда.
Тожикистон президенти билан Ўзбекистон ташқи ишлар вазири Абдулазиз Комилов 29 сентябр куни Тожикистон президенти билан учрашув чоғида икки давлат ўртасида мавжуд муаммоларни бартараф этиш ва дўстона алоқаларни тобора кенгайтириш йўлларини муҳокама этди. Мутахассислар бу учрашувни расмий Тошкент ва Душанбе ўртасидаги муносабатлар илиқланишининг биринчи қадами ўлароқ баҳоламоқда.
"Пахтага чиқишга ҳам, чиқмасликка ҳам ҳаққингиз бор. Иш берувчининг ҳам, давлат органларининг ҳам ишдан бўшатишга ҳаққи йўқ. Бу қонунда белгиланган". Бу гапни Озодликка Ўзбекистон Касаба уюшмалари федерацияси расмийси айтди.
Бокс бўйича жаҳон чемпиони "тошкентлик йўлбарс" Руфат Рисқиевнинг оёғи қорасон туфайли ампутация қилинди. Тошкентдаги 16-касалхонада қолаëтган кекса спортчи амалиëтдан сўнг секин-аста ўзига келаëтганини билдирди.
"Ўзбекистон Республикасининг фуқаролиги тўғрисида"ги қонунга 24 сентябрдан бошлаб ўзгартишлар киритилгани ўз мамлакатидан ташқарида яшаётган юз минглаб ўзбекистонликларни, айниқса, ўзи яшаб турган мамлакат фуқаролигига ҳам ўтиб олганларни қизиқтириши ва балки, ташвишга солиши табиий. Чунки қонуннинг янги талабига биноан чет давлат фуқаролигига ўтган шахс "Ўзбекистон фуқароси", деган мақомини автоматик тарзда йўқотади.
Россия миграция қонунларини бузган муҳожирларни депортация қилишни вақтинча тўхтатди. Рус оммавий ахборот воситаларининг маҳаллий мутасаддиларга таяниб хабар қилишича, Россия Ички ишлар вазирлигида хориж ватандошларини бадарға қилиш ва ҳужжат расмийлаштиришга маблағ етмаётир.
Тошкентнинг “Чинни бозор” деб ном олган Ҳунармандлар ва хўжалик моллари бозорида савдо қилаётган тадбиркорлардан бозор маъмурияти томонидан “пахта ҳаражатларига” пул йиғилаётгани айтилмоқда. Озодликка мурожаат қилган тадбиркорлардан бири берган бу хабарга кўра, битта пахта мавсумига ҳар бир тадбиркордан 1 миллион сўмдан олинмоқда. Бозор маъмурияти бу иддаоларни инкор этди.
Президент Каримов вафоти ортидан Ўзбекистонда ҳокимиятнинг янги қўлга ўтгани Россия истеблишментида Ўзбекистонга нисбатан баёнотларнинг янгича риторикада янграшига сабаб бўлди. Озодлик радиоси ўзининг янги "ГОВОРИТ МОСКВА" рукнида бу баёнотларни савол остига олади.
Кеча, 19 сентябр куни, Украина Хавфсизлик хизмати (СБУ) Харьков вилоятида жосусликда гумон қилиб, Ўзбекистон ватандошини қўлга туширди. Давлат Чегара хизматида хорижлик “Плетенёвка” назорат пункти борасида махфий техника ёрдамида маълумот йиғишга Россия томонидан жўнатилганини иддао қилмоқда.
Навоий давлат кончилик институтининг пахта теримига чиқарилган биринчи боcқич талабалари “дедовшчина”дан шикоят қилди. Биринчи курс талабаларининг Озодликка хабар қилишича, катта курсда ўқиётган талабалар улар устидан зўравонлик қилмоқда. Кимё-металлургия факультети пахта штаби бошлиғи талабалар шикоятини эшитмаёқ рад этишга шошилди ва трактор шовқинини баҳона қилиб, алоқани узиб қўйди.
Тошкент вилоятининг Хумсон қишлоқ фуқаролар йиғини Дала қишлоғида 40 оилага қарашли уйлар бузилмоқда. Маҳаллийлар иддаосича, туман ҳокими Иброҳим Ҳасановнинг қарори билан сув ёқасида қурилган кафелар олиб ташланиши баҳонасида, Чирчиқ дарёсидан 5 км наридаги турар жойлар бузилмоқда.
Давомини ўқинг
