тел: +420 2 2112 3387 mobile:+420 605 562 270 (шошилинч хабарлар) twitter: khurmatb skype: khurmatskype facebook:Khurmat Babadjanov
Farg‘ona viloyatining Furqat tumani Bekobod qishlog‘ida yashovchi tadbirkor Nizomjon Ahmedov Ozodlik bilan suhbatda militsiya xodimlarining “asossiz aralashuvlari” bois uch oy oldin ochgan choyxonasini yopishga majbur bo‘lganini aytdi. Tadbirkor iddaosicha, O‘zbekiston prezidenti Shavkat Mirziyoevning ichki ishlar organlarining tadbirkorlar faoliyatiga qonunga xilof ravishda aralashishi yoki to‘sqinlik qilishi kabi holatlarga batamom chek qo‘yish zarurligi haqidagi chiqishlariga qaramay, tumanda vaziyat o‘zgarishsiz qolmoqda.
Фарғона вилоятининг Фурқат тумани Бекобод қишлоғида яшовчи тадбиркор Низомжон Аҳмедов Озодлик билан суҳбатда милиция ходимларининг “асоссиз аралашувлари” боис уч ой олдин очган чойхонасини ёпишга мажбур бўлганини айтди. Тадбиркор иддаосича, Ўзбекистон президенти Шавкат Мирзиёевнинг ички ишлар органларининг тадбиркорлар фаолиятига қонунга хилоф равишда аралашиши ёки тўсқинлик қилиши каби ҳолатларга батамом чек қўйиш зарурлиги ҳақидаги чиқишларига қарамай, туманда вазият ўзгаришсиз қолмоқда.
Namangan shahridagi Chorsu dehqon bozorida yillardan beri savdo qilib kelgan tadbirkorlar do‘konlari shahar hokimligi tomonidan hech qanday ogohlantirishsiz yopib qo‘yilgani haqda Ozodlikka arz qildi. Bozor ma’muriyati shahar hokimligining bozorni tartibga solish chora-tadbirlari doirasida kiyim-kechak do‘konlari yopilganini tasdiqladi.
Наманган шаҳридаги Чорсу деҳқон бозорида йиллардан бери савдо қилиб келган тадбиркорлар дўконлари шаҳар ҳокимлиги томонидан ҳеч қандай огоҳлантиришсиз ёпиб қўйилгани ҳақда Озодликка арз қилди. Бозор маъмурияти шаҳар ҳокимлигининг бозорни тартибга солиш чора-тадбирлари доирасида кийим-кечак дўконлари ёпилганини тасдиқлади.
Shu oy o‘rtalarida O‘zbekiston Ichki ishlar vazirligining “qidiruvdagi shaxslar” ro‘yxatidan olib tashlangan o‘zbekistonlik ishbilarmon, Osiyo Olimpiya Kengashi vitse-prezidenti, ayni paytda Xalqaro boks federatsiyasi - AIBA prezidenti vazifasini bajarayotgan G‘ofur Rahimov 27 iyul kuni Toshkentda O‘zbekiston Milliy olimpiya qo‘mitasi rahbariyati bilan uchrashgan.
Шу ой ўрталарида Ўзбекистон Ички ишлар вазирлигининг “қидирувдаги шахслар” рўйхатидан олиб ташланган ўзбекистонлик ишбилармон, Осиё Олимпия Кенгаши вице-президенти, айни пайтда Халқаро бокс федерацияси - AIBA президенти вазифасини бажараётган Ғофур Раҳимов 27 июль куни Тошкентда Ўзбекистон Миллий олимпия қўмитаси раҳбарияти билан учрашган.
Toshkentda o‘ttizga yaqin yo‘lovchini olib ketayotgan avtobus daraxtga borib urilishi oqibatida o‘ndan ortiq kishi jarohat olgan, ularning ikki nafari ahvoli og‘irligi aytilmoqda.
Тошкентда ўттизга яқин йўловчини олиб кетаётган автобус дарахтга бориб урилиши оқибатида ўндан ортиқ киши жароҳат олган, уларнинг икки нафари аҳволи оғирлиги айтилмоқда.
Toshkentda prezident Shavkat Mirziyoev qabuliga militsiya va prokuratura ustidan arz qilish uchun borgan bir guruh ayol qo‘lga olindi. 23 iyul kuni o‘ttizga yaqin ayoldan olti nafari O‘zbekiston Jinoyat kodeksining 183-moddasi, mayda bezorilikda ayblanib 10 sutkaga qamaldi, qolganiga ogohlantirish berilib, qo‘yib yuborildi.
Тошкентда президент Шавкат Мирзиёев қабулига милиция ва прокуратура устидан арз қилиш учун борган бир гуруҳ аёл қўлга олинди. 23 июл куни ўттизга яқин аёлдан олти нафари Ўзбекистон Жиноят кодексининг 183-моддаси, майда безориликда айбланиб 10 суткага қамалди, қолганига огоҳлантириш берилиб, қўйиб юборилди.
Toshkent shahar hokimligi shahar markaziga o‘rnatilgan kurant plagiat bo‘lib chiqqach, uni olib tashlashga qaror qildi. Shu oy boshida Toshkentdagi Grand Mir mehmonxonasi oldida AQShdagi 2001 yil 11 sentyabr terror hujumi qurbonlari xotirasiga o‘rnatilgan “Time to remember” yodgorligiga quyib qo‘yganday o‘xshash kurantning paydo bo‘lishi ijtimoiy tarmoqlarda baxsu-munozaraga sabab bo‘ldi.
Тошкент шаҳар ҳокимлиги шаҳар марказига ўрнатилган курант плагиат бўлиб чиққач, уни олиб ташлашга қарор қилди. Шу ой бошида Тошкентдаги Grand Mir меҳмонхонаси олдида АҚШдаги 2001 йил 11 сентябр террор ҳужуми қурбонлари хотирасига ўрнатилган “Time to remember” ёдгорлигига қуйиб қўйгандай ўхшаш курантнинг пайдо бўлиши ижтимоий тармоқларда бахсу-мунозарага сабаб бўлди.
Andijon shahridagi 2-sonli o‘rta maktabning 6-sinf o‘quvchisi o‘z uyida osilgan xolda topildi. U o‘z joniga qasd qilgani aytilmoqda. Oilasidagi yagona farzand, 13 yoshli bolaning nega o‘z joniga qasd qilgani sababi ma’lum emas.
Termiz shaharida 4 yoshli qizchani jinsiy zo‘rlaganlikda gumonlanayotgan erkak qo‘lga olingan. Surxondaryo huquq-tartibot idoralaridagi Ozodlik manbasiga ko‘ra, 30 yoshlar atrofidagi gumonlanuvchi Termizning Eski shahrida yakshanba kuni qo‘lga olingan.
Андижон шаҳридаги 2-сонли ўрта мактабнинг 6-синф ўқувчиси ўз уйида осилган холда топилди. У ўз жонига қасд қилгани айтилмоқда. Оиласидаги ягона фарзанд, 13 ёшли боланинг нега ўз жонига қасд қилгани сабаби маълум эмас.
Термиз шаҳарида 4 ёшли қизчани жинсий зўрлаганликда гумонланаётган эркак қўлга олинган. Сурхондарё ҳуқуқ-тартибот идораларидаги Озодлик манбасига кўра, 30 ёшлар атрофидаги гумонланувчи Термизнинг Эски шаҳрида якшанба куни қўлга олинган.
Давомини ўқинг
