тел: +420 2 2112 3387 mobile:+420 605 562 270 (шошилинч хабарлар) twitter: khurmatb skype: khurmatskype facebook:Khurmat Babadjanov
Tojikiston poytaxti Dushanbe shahrida O‘zbekiston prezidenti Shavkat Mirziyoevning 9 mart kuniga belgilangan davlat tashrifiga tayyorgarlik hozirdan boshlangan. Ozod Yevropa/Ozodlik radiosi tojik xizmati muxbiri xabariga ko‘ra, Tojikiston oliygohlari talabalari va maktablarning yuqori sinf o‘quvchilaridan iborat ja’mi 12 ming odam Mirziyoevni kutib olish ssenariysi bo‘yicha repetitsiya qilinmoqda.
Qoraqalpog‘istonning Beruniy tumanidagi ayrim byudjet tashkilotlarida ishlovchilar tuman hokimi bu yil ham ularni davriy nashrlarga obuna bo‘lishga majburlayotgani va oyliklaridan obuna uchun pul ushlab qolinayotgani haqida Ozodlikka shikoyat qildi.
Тожикистон пойтахти Душанбе шаҳрида Ўзбекистон президенти Шавкат Мирзиёевнинг 9 март кунига белгиланган давлат ташрифига тайёргарлик ҳозирдан бошланган. Озод Европа/Озодлик радиоси тожик хизмати мухбири хабарига кўра, Тожикистон олийгоҳлари талабалари ва мактабларнинг юқори синф ўқувчиларидан иборат жаъми 12 минг одам Мирзиёевни кутиб олиш сценарийси бўйича репетиция қилинмоқда.
Қорақалпоғистоннинг Беруний туманидаги айрим бюджет ташкилотларида ишловчилар туман ҳокими бу йил ҳам уларни даврий нашрларга обуна бўлишга мажбурлаётгани ва ойликларидан обуна учун пул ушлаб қолинаётгани ҳақида Озодликка шикоят қилди.
Farg‘ona viloyatining Oltiariq tumanida o‘lik xolda topilgan 5 yoshli Kibriyo G‘apporalievaning amakisi Ravshan Qodirov Ozodlik bilan suhbatda mash’um voqeadan besh kun o‘tib ham qotillik motivi noma’lum bo‘lib qolayotganini aytdi. Qodirov jiyanining organi olingani haqida Internet tarmoqlarida tarqalgan xabarlar asossiz ekanini ta’kidladi. Qodirovga ko‘ra, 5 fevral kuni Kibriyoxon va yana ikki jiyanini bog‘cha hamshirasi uyi yoniga o‘ynashga tashlab ketgan, degan xabarlar ham noto‘g‘ri. "Bolalar bog‘chadan kattalar hamroxligisiz chiqishgan", - dedi Qodirov.
Фарғона вилоятининг Олтиариқ туманида ўлик холда топилган 5 ёшли Кибриё Ғаппоралиеванинг амакиси Равшан Қодиров Озодлик билан суҳбатда машъум воқеадан беш кун ўтиб ҳам қотиллик мотиви номаълум бўлиб қолаётганини айтди. Қодиров жиянининг органи олингани ҳақида Интернет тармоқларида тарқалган хабарлар асоссиз эканини таъкидлади. Қодировга кўра, 5 феврал куни Кибриёхон ва яна икки жиянини боғча ҳамшираси уйи ёнига ўйнашга ташлаб кетган, деган хабарлар ҳам нотўғри. "Болалар боғчадан катталар ҳамрохлигисиз чиқишган", - деди Қодиров.
Xalqaro Olimpiya qo‘mitasi 2020 yilda Tokioda o‘tkaziladigan Olimpiadada boksni o‘yinlar dasturidan olib tashlashi mumkin. Bu haqda XOQ rahbari Tomas Bax Janubiy Koreyaning Pxyonchxan shahrida XXIII qishki Olimpiya o‘yinlari ochilishi arafasida o‘tkazilgan qo‘mita yig‘inida ta’kidladi. Janob Bax bunga sabab sifatida Xalqaro Havaskor boks uyushmasi AIBAdagi korrupsiya va dopping-nazorati bilan bog‘liq muammolarni ko‘rsatib o‘tgan. O‘tgan oy AQSh "Qora ro‘yxat"iga kiritilgan o‘zbekistonlik taniqli ishbilarmon va metsenant G‘afur Raximov AIBA prezidenti vazifasini bajaruvchi etib tayinlanlandi. Hozirda AIBA rahbariyatiga nisbatan tekshiruv boshlangan, XOQ uyushmaga moliyaviy to‘lovlarni to‘xtatgan.
Халқаро Олимпия қўмитаси 2020 йилда Токиода ўтказиладиган Олимпиадада боксни ўйинлар дастуридан олиб ташлаши мумкин. Бу ҳақда ХОҚ раҳбари Томас Бах Жанубий Кореянинг Пхёнчхан шаҳрида XXIII қишки Олимпия ўйинлари очилиши арафасида ўтказилган қўмита йиғинида таъкидлади. Жаноб Бах бунга сабаб сифатида Халқаро Ҳаваскор бокс уюшмаси AIBAдаги коррупция ва доппинг-назорати билан боғлиқ муаммоларни кўрсатиб ўтган. Ўтган ой АҚШ "Қора рўйхат"ига киритилган ўзбекистонлик таниқли ишбилармон ва меценант Ғафур Рахимов AIBA президенти вазифасини бажарувчи этиб тайинланланди. Ҳозирда AIBA раҳбариятига нисбатан текширув бошланган, ХОҚ уюшмага молиявий тўловларни тўхтатган.
Fojia 5 fevral kuni Oltiqariq tumani Poloson qishlog‘ida ro‘y berdi. Guvohlarning Ozodlikka aytishicha, bolani bog‘chadan oladigan odam bo‘lmagach, bog‘cha opa uni boshqa bolalarga qo‘shib uyiga jo‘natgan; kechqurun bolaning chavaqlangan jasadi bog‘chadan bir kilometr narida topilgan. Qotillikda gumonlanib bir shaxs hibsga olingan.
Давомини ўқинг
