тел: +420 2 2112 3387 mobile:+420 605 562 270 (шошилинч хабарлар) twitter: khurmatb skype: khurmatskype facebook:Khurmat Babadjanov
Фожиа 5 февраль куни Олтиқариқ тумани Полосон қишлоғида рўй берди. Гувоҳларнинг Озодликка айтишича, болани боғчадан оладиган одам бўлмагач, боғча опа уни бошқа болаларга қўшиб уйига жўнатган; кечқурун боланинг чавақланган жасади боғчадан бир километр нарида топилган. Қотилликда гумонланиб бир шахс ҳибсга олинган.
Xorazmning Xiva shahri markazidagi dehqon bozorining ko‘chirilishi shu bozorda tirikchilik qilib kelgan dehqonlar va savdogarlar noroziligini uyg‘otdi. Savdogarlar vakillarining Ozodlikka aytishicha, yanvar oyi o‘rtalarida bozor yopilib, o‘nlab tadbirkor shahar chekkasidagi boshqa bozorga majburlab ko‘chirtirilgan. Xiva hokimiyatidagidar "Urganch-Xiva" temir yo‘l liniyasi qurilishi bilan bog‘liq shahardagi rekonstruksiya ishlari doirasida bozor buzilishini aytishmoqda.
Хоразмнинг Хива шаҳри марказидаги деҳқон бозорининг кўчирилиши шу бозорда тирикчилик қилиб келган деҳқонлар ва савдогарлар норозилигини уйғотди. Савдогарлар вакилларининг Озодликка айтишича, январ ойи ўрталарида бозор ёпилиб, ўнлаб тадбиркор шаҳар чеккасидаги бошқа бозорга мажбурлаб кўчиртирилган. Хива ҳокимиятидагидар "Урганч-Хива" темир йўл линияси қурилиши билан боғлиқ шаҳардаги реконструкция ишлари доирасида бозор бузилишини айтишмоқда.
O‘zbekistonlik 42 yoshli Nodir Qodirov Pragadagi oziq-ovqat do‘konlarida qo‘riqchilik qiladigan o‘nlab o‘zbekistonlikning biri. Ozodlik Nodir bilan Praga shahridagi Albert do‘konlari tarmog‘ida politsiya reyd o‘tkazib, noqonuniy ishlayotgan 18 nafar O‘zbekiston vatandoshini qo‘lga olgani haqidagi xabarlar ortidan suhbatlashdi.
Ўзбекистонлик 42 ёшли Нодир Қодиров Прагадаги озиқ-овқат дўконларида қўриқчилик қиладиган ўнлаб ўзбекистонликнинг бири. Озодлик Нодир билан Прага шаҳридаги Albert дўконлари тармоғида полиция рейд ўтказиб, ноқонуний ишлаётган 18 нафар Ўзбекистон ватандошини қўлга олгани ҳақидаги хабарлар ортидан суҳбатлашди.
Samarqand viloyati Kattaqo‘rg‘on tumanida shikoforlar ham kasalxona rekonstruksiyasi ishlariga jalb etilgan. Kattaqo‘rg‘on tumani Tibbiyot birlashmasi xodimlarining Ozodlikka aytishicha, shifoxonaning eski imorati buzilib, o‘rnida yangisi qurilmoqda, farroshlardan tortib hamshira va shifokorlar shu bino qurilishiga safaryuar etilgan.
Самарқанд вилояти Каттақўрғон туманида шикофорлар ҳам касалхона реконструкцияси ишларига жалб этилган. Каттақўрғон тумани Тиббиёт бирлашмаси ходимларининг Озодликка айтишича, шифохонанинг эски иморати бузилиб, ўрнида янгиси қурилмоқда, фаррошлардан тортиб ҳамшира ва шифокорлар шу бино қурилишига сафарюар этилган.
Namanganda fohishaxonaga kelganlarni haydagani uchun kaltaklangan ayol bir hafta o‘tib kasalxonada jon berdi. Guvohlarning Ozodlikka aytishicha, 23 yanvar kuni Namangan shahar 4-kichik nohiya, 40-domda yashovchi 52 yoshli Turg‘unoy Oltinova shu domda qonunga zid ravishda tashkil etilgan fohishaxonaga kelgan mijozlarni haydab, militsiyaga shikoyat qilmoqchi bo‘lganida kaltaklangan. Og‘ir ahvolda shifoxonaga yotqizilgan Oltinova 30 yanvar kuni olgan jarohatidan olamdan o‘tdi.
Наманганда фоҳишахонага келганларни ҳайдагани учун калтакланган аёл бир ҳафта ўтиб касалхонада жон берди. Гувоҳларнинг Озодликка айтишича, 23 январ куни Наманган шаҳар 4-кичик ноҳия, 40-домда яшовчи 52 ёшли Турғуной Олтинова шу домда қонунга зид равишда ташкил этилган фоҳишахонага келган мижозларни ҳайдаб, милицияга шикоят қилмоқчи бўлганида калтакланган. Оғир аҳволда шифохонага ётқизилган Олтинова 30 январь куни олган жароҳатидан оламдан ўтди.
AQSh "Qora ro‘yxat"iga kiritilgan o‘zbekistonlik taniqli ishbilarmon va metsenat G‘afur Raximov Xalqaro boks federatsiyasi - AIBA prezidenti vazifasini bajaruvchi etib tayinlandi. Bu haqdagi qaror shanba kuni Franko Falchinelli Xalqaro boks federatsiyasi muvaqqat prezidenti vazifasini tark etishi ortidan olindi. AIBAning yangi prezidenti federatsiyaning noyabr oyida Moskvada bo‘ladigan qurultoyida saylanadi.
АҚШ "Қора рўйхат"ига киритилган ўзбекистонлик таниқли ишбилармон ва меценант Ғафур Рахимов Халқаро бокс федерацияси - AIBA президенти вазифасини бажарувчи этиб тайинланланди. Бу ҳақдаги қарор шанба куни Франко Фальчинелли Халқаро бокс федерацияси муваққат президенти вазифасини тарк этиши ортидан олинди. AIBAнинг янги президенти федерациянинг ноябр ойида Москвада бўладиган қурултойида сайланади.
Suvga cho‘kayotgan sinfdosh do‘stini qutqaraman, deb o‘zi halok bo‘lgan 10 yoshli Abdulla Ro‘ziboev 24 yanvar kuni Toshkentda dafn etildi. Fojia 21 yanvar kuni Toshkent shahrining Olmazor tumani, Qora-qamish 2/5 dahasidan oqib o‘tuvchi kanalda ro‘y berdi. Bolaning jonsiz jasadi ikki kun o‘tib cho‘kkan joyidan 1 kilometr olisdan topildi.
Сувга чўкаётган синфдош дўстини қутқараман, деб ўзи ҳалок бўлган 10 ёшли Абдулла Рўзибоев 24 январь куни Тошкентда дафн этилди. Фожиа 21 январь куни Тошкент шаҳрининг Олмазор тумани, Қора-қамиш 2/5 даҳасидан оқиб ўтувчи каналда рўй берди. Боланинг жонсиз жасади икки кун ўтиб чўккан жойидан 1 километр олисдан топилди.
Qozog‘istonning Irg‘iz tumanida mehnat muhojirlari bo‘lgan avtobus yonib ketishi oqibatida halok bo‘lgan 52 kishidan 49 nafarining shaxsi aniqlandi. O‘zbekiston Respublikasi Favqulodda vaziyatlar vazirligi ma’lumotiga ko‘ra, shaxsi aniqlangan 49 kishidan 31 nafari Namanganning To‘raqo‘rg‘on, ikki nafari Uchqo‘rg‘on tumanlaridan, 14 nafari Farg‘onaning Toshloq, bir nafari Andijonning Qorasuv shahridan. Shuningdek, halok bo‘lganlar orasida Toshkent shahri va viloyatidan ham bittadan vatandosh bor.
20 yanvar kuni O‘zbekistonning Moskvadagi elchixonasi oldida Rossiyada yashovchi o‘nlab o‘zbekistonlik Qozog‘istonda avtobus yong‘inida halok bo‘lgan vatandoshlarini xotirlash marosimini o‘tkazdi. Moskvadagi "Vatandosh" birlashmasi prezidenti Usmonxon Baratov bu haqda ma’lum qildi. Baratovga ko‘ra, marosim payti elchixonadan hech kim ular oldiga chiqmagan.
20 январ куни Ўзбекистоннинг Москвадаги элчихонаси олдида Россияда яшовчи ўнлаб ўзбекистонлик Қозоғистонда автобус ёнғинида ҳалок бўлган ватандошларини хотирлаш маросимини ўтказди. Москвадаги "Ватандош" бирлашмаси президенти Усмонхон Баратов бу ҳақда маълум қилди. Баратовга кўра, маросим пайти элчихонадан ҳеч ким улар олдига чиқмаган.
Qozog‘istonning Aqto‘be viloyatida avtobusda chiqqan yong‘inda halok bo‘lgan namanganlik mehnat muhjirlari Qahramon Xotamov va Zohidjon Imomalievlarning maktabda birga o‘qigan do‘sti Ulug‘bek Dadaboev Ozodlik bilan suhbatda fojeadan ikki kun oldin marhum sinfdoshlari bilan birga choyxonada o‘tirishgani, ular bola-chaqasiga bir-ikki so‘m ko‘proq pul qoldirish uchun Rossiyaga avtobusda yo‘lga chiqishganini aytdi.
Қозоғистоннинг Ақтўбе вилоятида автобусда чиққан ёнғинда ҳалок бўлган наманганлик меҳнат муҳжирлари Қаҳрамон Хотамов ва Зоҳиджон Имомалиевларнинг мактабда бирга ўқиган дўсти Улуғбек Дадабоев Озодлик билан суҳбатда фожеадан икки кун олдин марҳум синфдошлари билан бирга чойхонада ўтиришгани, улар бола-чақасига бир-икки сўм кўпроқ пул қолдириш учун Россияга автобусда йўлга чиқишганини айтди.
Xizmat lavozimini suiiste’mol qilganlik va narkotik moddalar g‘ayriqonuniy savdosi bilan shug‘ullanganlikda ayblanib 14 yilga qamalgan o‘zbekistonlik sobiq militsiya zobitining turmush o‘rtog‘i erining tergov davomida milliy xavfsizlik xodimlari tarafidan tinimsiz qiynoqqa solinganini iddao qilmoqda.
Хизмат лавозимини суиистеъмол қилганлик ва наркотик моддалар ғайриқонуний савдоси билан шуғулланганликда айбланиб 14 йилга қамалган ўзбекистонлик собиқ милиция зобитининг турмуш ўртоғи эрининг тергов давомида миллий хавфсизлик ходимлари тарафидан тинимсиз қийноққа солинганини иддао қилмоқда.
Давомини ўқинг
