тел: +420 2 2112 3387 mobile:+420 605 562 270 (шошилинч хабарлар) twitter: khurmatb skype: khurmatskype facebook:Khurmat Babadjanov
Toshkentning Yangiyo‘l tumanida fermer xo‘jalik yerlari paxta maydonlariga aylantirilishi va’ji bilan ziroat ekinlari vayron qilingan. Tumandagi “Grain Wheel” fermer xo‘jaligi rahbari Alisher Tursunov Ozodlik bilan suhbatda bu yil 16 gektar maydongan chet elga eksport qilish uchun no‘xat ekkani, hokimlik esa o‘sib turgan no‘xatni ustidan haydab, ag‘darib, o‘rniga paxta urug‘i ektirganini aytdi.
Тошкентнинг Янгийўл туманида фермер хўжалик ерлари пахта майдонларига айлантирилиши ваъжи билан зироат экинлари вайрон қилинган. Тумандаги “Grain Wheel” фермер хўжалиги раҳбари Алишер Турсунов Озодлик билан суҳбатда бу йил 16 гектар майдонган чет элга экспорт қилиш учун нўхат эккани, ҳокимлик эса ўсиб турган нўхатни устидан ҳайдаб, ағдариб, ўрнига пахта уруғи эктирганини айтди.
Toshkentdagi Xalqaro Vestminster universitetida shartnoma narxi qariyb ikki baravar ortgani sabab o‘nlab talaba o‘qish pulini to‘lay olmay bilim yurtidan haydalish xavfi ostida qolgan. O‘tgan oy Universitet o‘qish pulini 15 million so‘mdan birdaniga qariyb 30 million so‘mga ko‘targandi. TXVUda buxgalteriya masalalariga mas’ul mulozimning Ozodlikka aytishicha, O‘zbekistonda horijiy valyutalar rasmiy kursining ikki barobar ortishi sabab universitet o‘qish pulini oshirishga qaror qilgan.
Тошкентдаги Халқаро Вестминстер университетида шартнома нархи қарийб икки баравар ортгани сабаб ўнлаб талаба ўқиш пулини тўлай олмай билим юртидан ҳайдалиш хавфи остида қолган. Ўтган ой Университет ўқиш пулини 15 миллион сўмдан бирданига қарийб 30 миллион сўмга кўтарганди. ТХВУда бухгалтерия масалаларига масъул мулозимнинг Озодликка айтишича, Ўзбекистонда ҳорижий валюталар расмий курсининг икки баробар ортиши сабаб университет ўқиш пулини оширишга қарор қилган.
Jizzaxda bir guruh kollej bitiruvchilari "Yoshlar ittifoqi"ning va’dalariga ishonib, viloyatda ishga tushirilajak Peugeot avtomobil zavodiga ishga kirish uchun yuz minglab so‘m to‘lab fransuz tilini o‘rgangan
Жиззахда бир гуруҳ коллеж битирувчилари "Ёшлар иттифоқи"нинг ваъдаларига ишониб, вилоятда ишга туширилажак Peugeot автомобиль заводига ишга кириш учун юз минглаб сўм тўлаб француз тилини ўрганганган.
Andijonning Bo‘z tumanida o‘qituvchilar hokimlik bosimi ostida o‘zlari ishlaydigan maktablarni obodonlashtirish uchun archa ko‘chatlarini bozor narxidan bir necha marta yuqori narxda sotib olishga majburlanayotganliklarini aytishmoqda. Ozodlikka ma’lum bo‘lishicha, Bo‘z tumaniga obodonlashtirish maqsadida jami 300 dana archa ko‘chati Andijon viloyat hokimligi tarafidan ajratilgan. Maktablarga esa, har bir donasini 20 ming so‘mdan olish tayinlangan.
Андижоннинг Бўз туманида ўқитувчилар ҳокимлик босими остида ўзлари ишлайдиган мактабларни ободонлаштириш учун арча кўчатларини бозор нархидан бир неча марта юқори нархда сотиб олишга мажбурланаётганликларини айтишмоқда. Озодликка маълум бўлишича, Бўз туманига ободонлаштириш мақсадида жами 300 дана арча кўчати Андижон вилоят ҳокимлиги тарафидан ажратилган. Мактабларга эса, ҳар бир донасини 20 минг сўмдан олиш тайинланган.
Samarqandda uy ustida talashib akasi va yangasini chopib o‘ldirganlikda gumon qilinayotgan 46 yoshli Baxtiyor Shukurov qotillik ro‘y berganidan ikki hafta o‘tib 29 mart kuni o‘z ixtiyori bilan militsiyaga taslim bo‘lgan. Marhum er-xotinning qarindoshi Ozodlikka bildirgan ushbu ma’lumotni viloyat huquq-tartibot organlari tasdiqladi. 14 mart kuni Kattaqo‘rg‘on tumanining Payshanba shaharchasidagi Kumushtola ko‘chasidagi xonadonda rafiqasi va 8 yoshli o‘g‘li bilan yashagan Baxtiyor Shukurov otasidan meros qolgan uydan chiqib ketishni talab qilib kelgan 58 yoshli akasi Abduqahhor va 55 yoshli yangasi Maqsudani bolta bilan chopib o‘ldirgani, keyin voqea joyidan g‘oyib bo‘lgani haqda Ozodlik xabar bergan edi.
Самарқандда уй устида талашиб акаси ва янгасини чопиб ўлдирганликда гумон қилинаётган 46 ёшли Бахтиёр Шукуров қотиллик рўй берганидан икки ҳафта ўтиб 29 март куни ўз ихтиёри билан милицияга таслим бўлган. Марҳум эр-хотиннинг қариндоши Озодликка билдирган ушбу маълумотни вилоят ҳуқуқ-тартибот органлари тасдиқлади. 14 март куни Каттақўрғон туманининг Пайшанба шаҳарчасидаги Кумуштола кўчасидаги хонадонда рафиқаси ва 8 ёшли ўғли билан яшаган Бахтиёр Шукуров отасидан мерос қолган уйдан чиқиб кетишни талаб қилиб келган 58 ёшли акаси Абдуқаҳҳор ва 55 ёшли янгаси Мақсудани болта билан чопиб ўлдиргани, кейин воқеа жойидан ғойиб бўлгани ҳақда Озодлик хабар берган эди.
Toshkent viloyatining Yangiyo‘l tumanida aholining tabiiy gaz, elektr quvvati va suvdan qarzdorligini aniqlashga maktab o‘quvchilari jalb etildi.
Тошкент вилоятининг Янгийўл туманида аҳолининг табиий газ, электр қуввати ва сувдан қарздорлигини аниқлашга мактаб ўқувчилари жалю этилди.
Jizzaxning G‘allaorol tumanida 23 mart kuni yangi tug‘ilgan chaqaloqning jonsiz jasadi topildi. Guvohlarning Ozodlikka bildirishicha, chaqaloq jasadi Ko‘kgumbaz qishlog‘i ko‘prigi ostidan boshiga qora salafan paket kiydirib o‘ldirilgan xolda topilgan.
Жиззахнинг Ғаллаорол туманида 23 март куни янги туғилган чақалоқнинг жонсиз жасади топилди. Гувоҳларнинг Озодликка билдиришича, чақалоқ жасади Кўкгумбаз қишлоғи кўприги остидан бошига қора салафан пакет кийдириб ўлдирилган холда топилган.
Farg‘ona viloyatida umumiy ovqatlanish muassasalariga eshak go‘shti yetkazib bergan bir guruh shaxslar qo‘lga olindi. Joriy oy boshida sodir bo‘lgan bu voqea to‘g‘risida Ozodlikka etib kelgan ma’lumotni Qo‘shtepa tuman hokimi tasdiqladi.
Фарғона вилоятида умумий овқатланиш муассасаларига эшак гўшти етказиб берган бир гуруҳ шахслар қўлга олинди. Жорий ой бошида содир бўлган бу воқеа тўғрисида Озодликка етиб келган маълумотни Қўштепа туман ҳокими тасдиқлади.
Давомини ўқинг
